Տյառնընդառաջի տոնին Հայաստանյայց Առաքելական Եկեղեցու բոլոր եկեղեցիներում Սուրբ Պատարագից հետո կկատարվի նորապսակների օրհնության կարգ, հաղորդում է Մայր Աթոռ Սուրբ Էջմիածնի տեղեկատվական համակարգը:
Տյառնընդառաջը նորապսակների օրհնության օր է հռչակվել Ամենայն Հայոց Գարեգին Բ Կաթողիկոսի օրհնությամբ:
Հայ Առաքելական Եկեղեցին Տյառնընդառաջի տոնը նշում է փետրվարի 14-ին՝ Աստվածահայտնությանը հաջորդող 40-րդ օրը:
Հայ Եկեղեցու կանոնի համաձայն` տոնի նախօրեին՝ փետրվարի 13-ի երեկոյան, ժամերգությունից հետո կատարվում է նախատոնակ, որի ավարտին կատարվում է Անդաստանի արարողություն, որի ընթացքում օրհնվում են աշխարհի չորս ծագերը:
Անդաստանին հաջորդում է մոմերի օրհնության արարողությունը: Եկեղեցու կանթեղներից վերցված կրակով եկեղեցիների բակերում վառվում են խարույկներ՝ իբրև Քրիստոսի լույսի խորհրդանիշ:-0-
