Հայտնի բիզնեսմենը կապահովի Եվա Ռիվասի հաղթանակը Եվրատեսիլի ազգային ընտրության ժամանակ. թերթ

Ազգությամբ հայ և ռուսաստանաբնակ գործարար Սամվել Կարապետյանի ներկայացուցիչները զբաղված են Հայաստանում «Եվրատեսիլ-2010» ազգային ընտրությանը Եվա Ռիվասի հաղթանակն ապահովելու գործով, գրում է «Չորրորդ ինքնիշխանություն» թերթը:

Ըստ թերթի, մեծ գումարներ են դրվել պատշաճ քանակով sms-ներ ստանաու վրա:

Արդեն ստեղծվել են մարդկանց հատուկ խմբեր, ովքեր քվեարկության օրը որոշակի գումարի դիմաց ակտիվորեն քվեարկելու են Եվա Ռիվասի օգտին:

Հիշեցնենք, որ Ռիվասը հայտնի է դարձել «Տաշիր» մրցանակաբաշխության արարողությունից հետո, որն ամեն տարի անցկացվում է Մոսկվայում Կարապետյանի նախաձեռնությամբ: Հենց նա էլ զբաղվում է երգչուհու հովանավորությամբ:-0-