417.4
4.02
393.4
+13
Եղանակը Երևանում
Հայ

Ադրբեջանը փորձում է Օմբուդսմենի ինստիտուտը վերածել տեղեկատվական պատերազմի հարթակի. ՀՀ մարդու իրավունքների պաշտպան

14:51
10 Փետրվարի 2010

Ադրբեջանը փորձում է Օմբուդսմենի ինստիտուտը վերածել տեղեկատվական պատերազմ վարելու հիմնական հարթակի, ասել է ՀՀ օմբուդսմեն Արմեն Հարությունյանը:

«Շատ դեպքերում մենք ստիպված ենք լինում միջազգային կառույցներում խոսել ոչ թե մարդու իրավունքների մասին, այլ դառնում ենք ազգային քաղաքական գործիչ, քանի որ այն խնդիրները, որոնց մասին բարձրաձայնում է հարևան երկրի Օմբուդսմենը, ստիպում են մեզ հերթական անգամ հասկանալ, որ մենք մի մեծ  տեղեկատվական պատերազմի վիճակում ենք», - չորեքշաբթի մամուլի ասուլիսի ժամանակ ասաց Հարությունյանը:

Այս կապակցությամբ Հարությունյանը հիշեցրեց, որ այն բանից հետո, երբ մի քանի ամիս առաջ Լեռնային Ղարաբաղի Օմբուդսմենը դարձավ Օմբուդսմենի եվրոպական ինստիտուտի անդամ, Ադրբեջանը սկսեց բավականին լուրջ հարձակումներ իրականացնել, որպեսզի ղարաբաղցի Օմբուդսմենի անդամակցությունը չեղյալ համարվի:

«Դա չհաջողվեց, ավելին՝ մենք առաջ գնացինք և հնարավորություն ստացանք քննարկել չճանաչված այլ պետությունների Օմբուդսմենների անդամակցության հարցը», - ասաց նա:

Նրա խոսքերով՝ այս օրինակը վկայում է այն մասին, որ «մեզ շատ լուրջ տեղեկատվական պատերազմ է պարտադրված, և մենք, ուզենք թե չուզենք, ամենքս մեր ոլորտում պետք է կարողանանք պաշտպանել ազգային շահերը», - ընդգծեց նա:

Այս կապակցությամբ Հարությունյանը կոչ արեց ողջ հայ հասարակությանը միավորվել՝ դառնալով միասնական ուժ, ինչպես նաև ասաց, որ մարդու իրավունքներն ու պետական և ազգային շահերը փոխկապակցված են:

«Մարդը պետք է զգա, որ իր իրավունքները պաշտպանված են, որպեսզի նրա և պետության միջև ձևավորվի օրգանական կապ: Դա միակ հնարավորությունն է, որպեսզի Հայաստանը, չունենալով հարուստ ռեսուրսներ, կարողանա դիմակայել իր առջև ծառացած աշխարհաքաղաքական մարտահրավերներին», - եզրափակեց Օմբուդսմենը:

Ղարաբաղյան հակամարտությունը սկիզբ է առել 1988 թ.-ին, երբ հիմնականում հայերով բնակեցված Լեռնային Ղարաբաղը հայտարարեց Ադրբեջանի կազմից  դուրս գալու մասին։

1991 թ. դեկտեմբերի 10-ին, Խորհրդային Միության փլուզումից մի քանի օր առաջ, Լեռնային Ղարաբաղում տեղի ունեցավ հանրաքվե, որի ժամանակ բնակչության ճնշող մեծամասնությունը՝ 99,89 տոկոսը Ադրբեջանից ամբողջովին անկախանալու կողմ քվեարկեց։

Դրանից հետո սկսվեցին լայնամասշտաբ ռազմական գործողություններ, որոնց հետևանքով Ադրբեջանը կորցրեց վերահսկողությունը Լեռնային Ղարաբաղի և նրան հարակից յոթ շրջանների նկատմամբ։

 

1994 թ.-ի մայիսի 12-ին՝ զինադադարի մասին համաձայնագրի ուժի մեջ մտնելուց հետո հակամարտության գոտում դադարեցին ռազմական գործողությունները։ Պատերազմի  հետևանքով երկու կողմից զոհվեց մոտավորապես 25-30 հազ մարդ և մոտ  մեկ միլիոնը ստիպված եղավ լքել  բնակավայրերը։

Զինադադարի ռեժիմի մասին համաձայնությունը պահպանվում է մինչ այժմ։

1992 թ.-ից մինչ օրս ընթանում են բանակցություններ հակամարտության խաղաղ կարգավորման ուղղությամբ ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան։-0-

Ծանոթացեք լուրերին առաջինն ու քննարկեք դրանք մեր Telegram-յան ալիքում

Partners News
Ամենակարդացվող
ԱՌԿԱ գործակալություն
Բաժնի այլ նյութեր
22:09
29 Սեպտեմբերի 2023
Արա Բաբլոյանը բաց նամակ է հղել Ալիևին
ՀՀ առողջապահության նախկին նախարար, ԱԺ նախկին նախագահ Արա Բաբլոյանը բաց նամակ է հղել Ադրբեջանի նախագահ Իլհամ Ալիևին
16:36
29 Սեպտեմբերի 2023
Տրանսպորտային հաղորդակցությունների զարգացումը կարևոր է Ռուսաստանի, Հայաստանի և Ադրբեջանի համար. Պեսկով
Պեսկովը հայտարարել է, որ տրանսպորտային հաղորդակցությունների, լոգիստիկայի զարգացումը կարևոր է Ռուսաստանի, Հայաստանի և Ադրբեջանի համար
18:03
28 Սեպտեմբերի 2023
Հայաստանի կողմից Հռոմի ստատուտի վավերացումը «ամենաբացասական հետևանքները կունենա երկկողմ հարաբերությունների համար». ՌԴ ԱԳՆ
ՌԴ ԱԳՆ-ից հայտարարել են, որ Հայաստանի կողմից Հռոմի ստատուտի վավերացումը «ամենաբացասական հետևանքները կունենա երկկողմ հարաբերությունների համար»
17:48
28 Սեպտեմբերի 2023
Կրեմլը «թշնամական» է որակել Հռոմի ստատուտի վավերացման մասին Հայաստանի որոշումը
Կրեմլը «թշնամական» է որակել Հռոմի ստատուտի վավերացման մասին Հայաստանի որոշումը
20:54
27 Սեպտեմբերի 2023
Եթե Ռուբեն Վարդանյանը ՌԴ քաղաքացիություն ունի, ապա Մոսկվան կպաշտպանի նրան. Պեսկով
Պեսկովը նշել է, որ եթե Ռուբեն Վարդանյանը ՌԴ քաղաքացիություն ունի, ապա Մոսկվան կպաշտպանի նրան
20:10
27 Սեպտեմբերի 2023
Արարատ Միրզոյանը հեռախոսազրույց է ունեցել Թուրքիայի ԱԳ նախարարի հետ
Արարատ Միրզոյանը հեռախոսազրույց է ունեցել Թուրքիայի ԱԳ նախարարի հետ
18:37
27 Սեպտեմբերի 2023
Ռուսաստանը միշտ հոգատարությամբ է վերաբերվել Հայաստանի հետ դաշնակցային հարաբերություններին. Զախարովա
Զախարովան հայտարարել է, որ Ռուսաստանը միշտ հոգատարությամբ է վերաբերվել Հայաստանի հետ դաշնակցային հարաբերություններին, երբեք չի նախաձեռնել որևէ սրացում և արել է հնարավորը Հայաստանի ժողովրդին ամենադժվար իրավիճակներում աջակցելու համար
16:05
26 Սեպտեմբերի 2023
Իսկանդարյանը գնահատել է Հայաստանի և Ադրբեջանի միջև լայնամասշտաբ պատերազմի հավանականությունը (ՎԻԴԵՈ)
Կովկասի ինստիտուտի տնօրեն , քաղաքագետ Ալեքսանդր Իսկանդարյանը գնահատել է Հայաստանի և Ադրբեջանի միջև լայնամասշտաբ պատերազմի հավանականությունը. ՎԻԴԵՈ
23:27
25 Սեպտեմբերի 2023
Բայդենը նամակ է հղել Փաշինյանին
ԱՄՆ նախագահը նամակ է հղել Փաշինյանին
10:31
04 Օգոստոսի 2023
Հայաստանի ու Ադրբեջանի միջև հապճեպ ստորագրված խաղաղության պայմանագիրն ապագա հակամարտությունների հիմք կարող է դառնալ. ՌԴ ԱԳՆ
ՌԴ ԱԳՆ-ից հայտնել են, որ Հայաստանի ու Ադրբեջանի միջև հապճեպ ստորագրված խաղաղության պայմանագիրն ապագա հակամարտությունների հիմք կարող է դառնալ
13:59
02 Օգոստոսի 2023
ՀՀ-ում ԵՄ առաքելությունը իր երկրորդ գրասենյակը բացեց Սյունիքում
Այսօր Կապանում բացվել է Հայաստանում ԵՄ քաղաքացիական առաքելության օպերատիվ գրասենյակը