«ՀԿԵ» ՓԲԸ-ն հիմնադրել է «Տարվա գործընկեր» ամենամյա մրցույթը

«Հարավկովկասյան երկաթուղի» ՓԲԸ-ն հիմնադրել է «Տարվա գործընկեր» մրցույթը, որն անցկացվելու է ամեն տարի մարտի առաջին տասնօրյակում, հաղորդում է ՀԿԵ մամուլի ծառայությունը:

Մրցույթի անցկացումը կնպաստի ընկերության ռազմավարական կարևոր գործընկերների հետ գործարար կապերի ամրապնդմանը: «Տարվա գործընկեր» մրցույթի շրջանակներում «ՀԿԵ» ՓԲԸ-ի կողմից հիմնադրվել են հետևյալ անվանակարգերը՝ «Տարվա բեռներ ուղարկող», «Տարվա բեռներ ստացող», «Տարվա մատակարար ընկերություն», «Տարվա տրանսպորտային ընկերություն»:

Առաջին և երկրորդ տեղերը զբաղեցրած ընկերություններին կհանձնվեն ՀԿԵ-ի կողմից նախատեսված մրցանակները»:

«Տարվա գործընկեր» մրցույթի կանոնադրությունը կարելի է ներբեռնել «ՀԿԵ» ՓԲԸ-ի պաշտոնական կայքից՝ www.ukzhd.am:

«Հայկական երկաթուղիների» կոնցեսիոն կառավարումն իրականացնում է «ՀԿԵՈՒ» ՓԲԸ-ն՝ «Ռուսական երկաթուղիներ» ԲԲԸ հարյուրտոկոսանոց դուստրը: ՀԿԵՈՒ-ն իր բալանսում ընդունել ՀԵՈՒ շարժակակազմը 2008թ. հունիսի մեկից՝  «Հայկական երկաթունիներ» պետական ՓԲԸ-ն 30 տարի ժամկետով փոխանցման, կողմերի փոխադարձ համաձայնությամբ ևս 10 տարի երկարացման իրավունքով 2008թ. փետրվարի 13-ի կոնցեսիոն պայմանագրին համապատասխան։--0--