Եվրոպական հարևանության քաղաքականության «Հայաստան-Եվարամիություն» գործողությունների ծրագիրը արդյունավետ կերպով իրականացվում է.. ՀՀ Անվտանգության խորհուրդ

ԵՐԵՎԱՆ, 5 փետրվարի. /Նովոստի-Արմենիա/. Եվրոպական հարևանության քաղաքականության «Հայաստան-Եվրամիություն» գործողությունների ծրագիրն արդյունավետ է իրականացվում, տարբեր ոլորտներում իրականացվում են խորքային բարեփոխումներ, ասաց Ազգային անվտանգության խորհրդի քարտուղար Արթուր Բաղդասարյանը:

Ինչպես «Նովոստի-Արմենիա» գործակալությանը հայտնեցին Ազգային անվտանգության խորհրդի մամուլի ծառայությունից, այդ մասին Բաղդասարյանը, ով նաև Երոպական կառույցների հետ Հայաստանի համագործակցությունը համակարգող միջգերատեսչական հանձնաժողովի նախագահն է, ասել է  Եվրամիության արտաքին հարաբերությունների գլխավոր տնօրինության Հայաստանի բաժնի քաղաքական և տնտեսական հարցերով պատասխանատու Այլի Ռիբուլսի և Հայաստանում  ԵՄ պատվիրակության ղեկավար, դեսպան Ռաուլ դե Լյուցենբերգերի հետ հանդիպման ժամանակ:

Հանդիպման ժամանակ Այլի Ռիբուլսը ներկայացրել է Եվրոպական հարևանության քաղաքականության շրջանակում նախատեսվող նոր ինստիտուցիոնալ բարեփոխումների պլանը, որը ասոցացման, ազատ առևտրի, անվտանգության, արդարության և ազատության համաձայնագրերի կնքմանն ընդառաջ Հայաստանի պետական մարմինների վարչական կարողությունների ուժեղացում է ենթադրում:--0--