Հայաստանը պետք է ավելի ակտիվ պայքարի ադրբեջանական քարոզչության դեմ. պատգամավոր

ԵՐԵՎԱՆ, 5 փետրվարի. /Նովոստի-Արմենիա/. Հայաստանը պետք է ավելի ակտիվ հանդես գա ադրբեջանական քարոզչության դեմ, այդ թվում միջազգային կազմակերպությունների շրջանակներում, կարծում է խորհրդարանի պատգամավոր, եվրաինտեգրման հարցերի մշտական խորհրդարանական հանձնաժողովի ղեկավար Նաիրա Զոհրաբյանը: 

«Մենք պետք է ավելի համակարգված աշխատենք, մոբիլիզացնենք ջանքներն ու ներկայացնենք մեր դիիքորոշումը»,- Զոհրաբյանն ասաց ուրբաթ խորհրդարանական ճեպազրույցի ընթացքում:

Ըստ նրա` հարկ է ավելի ակտիվ աշխատել Իսլամական համաժողով կազմակերպության հետ: 

Զոհրաբյանը հիշեցրեց նաև հայկական ու ադրբեջանական պատվիրակությունների միջև վերջին ընդհարման մասին ԵԽԽՎ նիստի ժամանակ:

Ըստ պատգամավորի` ադրբեջանական պատվիրակության անդամ Ռաֆայել Հուսեյնովը Մշակույթի, գիտության և կրթության կոմիտեի նիստի ժամանակ հայտարարեց, որ Նաիրա Զոհրաբյանը Ջուղայում և Նախիջանում հայկական խաչքարների կործանմանը նվիրված «21-րդ դարի վանդալները» հեռուստաֆիլմը տարածելով` բոլորին թյուրիմացության մեջ է գցում:

«Հուսեյնովը հայտարարեց ոչ թե այն մասին, որ վանդալիզմ չի եղել, այլ այն մասին, որ ավերվել են ոչ թե հայկական, այլ ալբանական հուշարձաններ»,- նշեց նա: 

Ընդ որում Զոհրաբյանը հավելեց, որ արդեն նամակ է ուղղել ԵԽԽՎ Մշակույթի, գիտության և կրթության կոմիտեի ղեկավար Էնդրյու Մաքինթոշին, որը սատարել էր ադրբեջանցի պատվիրակի դիրքորոշմանը, որում ներկայացրել է իրական իրավիճակը: -0-