Հայ խորհրդարանականները խստացրել են քրեական պատասխանատվությունը որսագողության համար

ՀՀ ԱԺ պատգամավորները հինգշաբթի նիստի ժամանակ երկրորդ և վերջնական ընթերցմամբ ուղղումներ են մտցրել «Որսի և որսորդական տնտեսության վարման մասին» օերնքում և ՀՀ ՔՕ-ում՝ խստացնելով պատասխանատվությունը որսագողության համար:

Օրինագծի հեղինակ, անկախ պատգամավոր Վիկտոր Դալլաքյանի խոսքերով` գործող օրենքի փոփոխումը թույլ կտա բարձրացնել որսագողության դեմ պայքարի արդյունավետությունը:

Պատգամավորը տեղեկացրեց, որ առաջարկվող ուղղումներով զգալիորեն կփոփոխվի ՀՀ ՔՕ 294 հոդվածը (ապօրինի որս): Մասնավորևապես, հատուկ պահպանվող տարածքներում ապօրինի որսը պատժվում է տուգանքով նվազագույն աշխատավարձի 300-ապատիկից մինչև 600-ապատիկի չափով կամ մինչև կես տարի ազատազրկմամբ:  

«Զգալիորեն կավելանա ազատազրկման ժամկետը նախնական դավադրությամբ մի խումբ անձանց կողմից իրականացված ապօրինի որսի համար: Նման արարքի դեպքում սահմանվում է տուգանք նվազագույն աշխատավարձի 500-ապատիկից մինչև 700-ապատիկի չափով կամ մինչև երեք տարի ժամկետով ազատազրկում մինչև 4 տարի ժամկետով որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկմամբ:-0-