Հայաստանում յոթ օրվա ընթացքում գրանցված հանցագործությունների մեծամասնությունը բացահայտվել է. ոստիկանություն

ԵՐԵՎԱՆ, 4 փետրվարի. /Նովոստի-Արմենիա/. Ոստիկանության տվյալների համաձայն, Հայաստանում հունվարի 28-ից փետրվարի 3-ն ընկած ժամանակահատվածում կատարված հանցագործությունների մեծամասնությունը բացահայտվել է:

«Ինչպես հաղորդվում է, 7 օրվա ընթացքում հանրապետությունում գրանցված միակ սպանության դեպքը բացահայտվել է, հաջողվել է բացահայտել նաև ավազակային հարձակման 4 դեպքից 3-ը, բացահայտվել է նաև կողոպուտի 8 դեպքից 7-ը», - ասվում է տեղեկատվության մեջ:

Ըստ հաղորդագրության, հանրապետությունում արձանագրվել է մարմնական վնասվածք հասցնելու 43 դեպք, որոնցից 40-ը բացահայտվել է: Նշված ժամանակահատվածում բացահայտվել է խարդախության 13 դեպքից` 14-ը, որից մեկը` նախկինում կատարված:

Ինչպես հաղորդվում է, ոստիկանությանը նաև հաջողվել է ամբողջովին բացահայտել հանրապետությունում նշված ժամանակահատվածում գրանցված խուլիգանության բոլոր չորս դեպքերը:

Տեղեկատվության մեջ նաև նշվում է, որ անցած շաբաթվա ընթացքում հանրապետությունում արձանագրվել է ճանապարհատրանսպորտային 25 պատահար, ինչի հետևանքով 1 մարդ զոհվել է, 35-ը` ստացել տարբեր աստիճանի մարմնական վնասվածքներ:-0-