ՀՀ ՊՆ-ն հայտարարում է, որ ժամկետային հայ զինծառայողի մահվան պատճառը սրտամկանի հիվանդությունն է

ՀՀ պաշտպանության նախարարության տեղեկատվության և հասարակայնության հետ կապերի վարչությունը հայտարարություն է տարածել, որում նշվում է, որ ժամկետային զինծառայող Անդրանիկ Սարգսյանի հանկարծակի մահվան պատճառը սրտամկանի հանկարծակի առաջացած հիվանդությունն է:

«Այս մասին են վկայում դիահերձման ժամանակ սրտամկանում հայտնաբերված  օջախային փոփոխությունները»,- ասվում է հաղորդագրության մեջ։

Պաշտպանության նախարարությունում հերքեցին նաև թերթերից մեկում տարածած տեղեկատվությունը՝ զինվորի մարմնի վրա վնասվածքների առկայության վերաբերյալ։

«Այս փաստարկներն անհիմն են, քանի որ դիակի արտաքին զննության ժամանակ հայտնաբերվել են ընդամենը մակերեսային քերծվածքներ»,- ասվում է հաղորդագրության մեջ։ -0-