ԵՐԵՎԱՆ, 2 փետրվարի. /Նովոստի-Արմենիա/. Հայաստանը մտադիր է ընդլայնել բարեփոխումները աղետների կառավարման ոլորտում, երեքշաբթի ասաց Ազգային անվտանգության խորհրդի քարտուղար Արթուր Բաղդասարյանը ՄԱԿ-ի զարգացման ծրագրերի ճգնաժամերի կանխարգելման և վերականգնման բյուրոյի պատվիրակությանը և այն գլխավորող Նեյջլ Քալսոնի հետ հանդիպման ժամանակ:
«Հայաստանը գտնվում է բնական աղետների նկատմամբ բարձր ռիսկային գոտում, ուստի այս ոլորտում բարեփոխումները պետք է խորացվեն»,- Բաղդասարյանի խոսքերը մեջբերեցին Անվտանգության խորհրդի մամուլի ծառայությունից: Եթե ճգնաժամերի կառավարման արդյունավետ համակարգ ձևավորվի, հնարավոր կլինի լավ արդյունքներ գրանցել:
Ըստ նրա՝ եթե ճգնաժամերի կառավարման արդյունավետ համակարգ ձևավորվի, հնարավոր կլինի լավ արդյունքներ գրանցել:
Բաղդասարյանը հավելել է, որ անհրաժեշտ է միջազգային հանրության ջանքերը կենտրոնացնել այս ոլորտում որոշակի ծրագրեր իրականացնելու ուղղությամբ, իսկ Հայաստանում հաջողված փորձը կարող է տարածվել տարածաշրջանի այլ երկրների վրա:
Իր հերթին Նեյջլ Քալսոնը ներկայացրել է ՄԱԿ-ի զարգացման աջակցության ծրագրի նպատակը, այն է` իրականացնել Հայաստանում աղետների ռիսկի նվազեցման կազմակերպությունների կարողությունների գնահատում, մշակել աղետների կանխարգելման գործողությունների ծրագիր` ներառելով առաջարկներ Հայաստանում աղետների ռիսկի նվազեցման ոլորտում գործող միջազգային կազմակերպություններին:-0-
