ՀՀ ոստիկանությունը հունվարին հայտնաբերել է հետախուզման մեջ գտնվող 63 անձ

ՀՀ ոստիկանության տարբեր ստորաբաժանումների կողմից 2010 թ. հունվարին հայտնաբերվել է հետախուզման մեջ գտնվող 63 անձ, հաղորդում է ՀՀ ոստիկանության մամուլի ծառայությունը:

«Նրանցից 1-ը հետախուզվում էր սպանության, 2-ը՝ դիտավորությամբ առողջությանը ծանր վնաս պատճառելու, 1-ը՝ ավազակության, 5-ը գողության, 6-ը՝ խարդախության, 1-ը յուրացնելու կամ վատնելու, 3-ը՝ խուլիգանության, 2-ը՝ ապօրինի ձեռնարկատիրությամբ զբաղվելու, 2-ը՝ հարկերը, տուրքերը կամ պարտադիր այլ վճարումները վճարելուց չարամտորեն խուսափելու համար», - ասվում է տեղեկատվության մեջ:

ՀՀ ոստիկանության տվյալների համաձայն՝ հայտնաբերված անձանցից մեկը հետախուզման մեջ էր գտնվում դասալքության համար, իսկ 15-ը՝ այլ երկրների կողմից։-0-