ԵՐԵՎԱՆ, 1 փետրվարի. /Նովոստի-Արմենիա/. Շաբաթ օրը Եգիպտոսում ՃՏՊ-ի հետևանքով տուժած երկու հայ զբոսաշրջիկները դուրս են գրվել հիվանդանոցից, «Նովոստի-Արմենիա» գործակալությանը հայտնեցին Հայաստանի ԱԳՆ մամուլի ծառայությունից։
Շաբաթ օրը Եգիպտոսում շրջված ավտոբուսում ՀՀ ութ քաղաքացի է եղել։
Ինչպես հայտնեցին մամուլի ծառայությունից, տուժած հայ զբոսաշրջիկները ներկայում հյուրանոցում են, և նրանց պարբերաբար այցելում են բժիշկները։
Ավելի վաղ Եգիպտոսում Հայաստանի դեսպանության խորհրդական Հրաչ Փոլադյանը «Նովոստի-Արմենիա» գործակալությանը հայտնել է, որ ՃՏՊ-ի պատճառն, ամենայն հավանականությամբ, ավազամրրիկն է եղել։
Շարմ էլ Շեյխից Կահիրե մեկնող ավտոբուսը շրջվել է հանգստավայրից 200 կմ հեռավորության վրա։ -0-
