ՀՀ սփյուռքի նախարարությունը Ցեղասպանությանը նվիրված հուշարձանները պատկերող գիրք կթողարկի

թ.-ին նշվող հայերի ցեղասպանության 95-ամյակի կապակցությամբ Հայաստանի Սփյուռքի նախարարությունը ծրագրում է Ցեղասպանության՝ աշխարհի տարբեր երկրներում դրված զոհերի հիշատակին նվիրված հուշարձանները պատկերող գիրք թողարկել, ուրբաթ հայտնեց Սփյուռքի նախարար Հրանուշ Հակոբյանը:

«Հետագայում, այդ հուշարձանների պատկերները կտեղակայվեն Երևանում Հայոց Ցեղասպանության թանգարանի տարածքում»,- հայտարարեց Հակոբյանը:

Հայոց մեծ եղեռնը 20-րդ դարի առաջին ցեղասպանությունն է, որը կազմակերպվել և ծրագրավորված իրագործվել է երիտթուրքական կառավարության կողմից, ինչի հետևանքով Օսմանյան կայսրության կազմի մեջ մտնող Արևմտյան Հայաստանում, սրի է քաշվել ավելի քան 1,5 մլն հայ։

Հայոց ցեղասպանության փաստը ճանաչել են բազմաթիվ երկրներ, մասնավորապես, Ուրուգվայը, Լիտվան, Ռուսաստանը, Ֆրանսիան, Իտալիայի խորհրդարանի ստորին պալատը, ԱՄՆ-ի մեծ թվով նահանգներ, ինչպես նաև Հունաստանի, Կիպրոսի, Արգենտինայի, Բելգիայի, Ուելսի խորհրդարանները, Շվեյցարիայի ազգային խորhուրդը, Կանադայի խորհրդարանի համայնքների պալատը և Լեհաստանի սեյմը։ -0-