Հայաստան կայցելի ԵԱՀԿ գործող նախագահը

Փետրվարին տարածաշրջան, այդ թվում` Հայաստան կայցելի ԵԱՀԿ գործող նախագահը, ասել է Ղազախստանի  քաղաքական պլանավորման կոմիտեի նախագահ Տալգատ Կալիևը՝ ԱԱԽ քարտուղար Արթուր Բաղդասարյանի հետ հանդիպման ժամանակ:

Ինչպես «Նովոստի-Արմենիա» գործակալությանը հայտնեցին ԱԱԽ մամուլի ծառայությունից, հանդիպման ընթացքում Տալգատ Կալիևը ներկայացրել է Ղազախստանի կողմից ԵԱՀԿ նախագահության ընթացքում իրականացվելիք քայլերը և ընդգծել, որ որպես ԵԱՀԿ նախագահող  երկիր Ղազախստանը հատուկ ուշադրություն է դարձնում կովկասյան տարածաշրջանին:

Հանդիպման ընթացքում քննարկվել են ԵԱՀԿ շրջանակում Հայաստանի և Ղազախստանի համագործակցությանը վերաբերող հարցեր: Արթուր Բաղդասարյանը վստահություն է հայտնել, որ Ղազախստանի նախագահության շրջանում ԵԱՀԿ աշխատանքն ավելի կակտիվանա: «Նա նշել է, որ Հայաստանը կողմ է տարածաշրջանում երկարատև խաղաղության ու կայունության հաստատմանը»,- ասված է հաղորդագրության մեջ:-0-