Եվրոպայի հայկական միությունների ֆորումը Թուրքիային մեղադրում է հայ-թուրքական արձանագրությունների վավերացման հացրում խուսավարման մեջ:
«Վերջին իրադարձությունները հաստատում են Թուրքիայի խուսավարումն ու անվճռականությունը հայ-թուրքական արձանագրությունների վավերացման հարցում, ինչի կապակցությամբ ԵՀՄՖ-ն դիմել է շահագրգիռ միջագզային կազմակերպություններին»,- ասվում է կազմակերպության հայտարարության մեջ:
Փաստաթղթում նշվում է, որ Թուրքիայի նման դիրքորոշման մասին է վկայում, մասնավորապես, ԱԳՆ և վարչապետ Ռեջեփ Թայիպ Էրդողանի հայտարարությունները հայ-թուրքական արաձանագրությունների՝ ՀՀ սահմանադրությանը համապատասխան լինելու մասին ՀՀ ՍԴ որոշման առնչությամբ:
ԵՀՄՖ-ն կարծում է, որ Թուրքիան պետք է ապացուցի իր հավատարմությունը ԵՄ մտնելու համար անհրաժեշտ պարտավորություններին, միջազգային նորմերին և ժողովրդավարական գործընթացներին:
Հայաստանի և Թուրքիայի հարաբերությունները բավականին լարված էին մինչև այն ժամանակ, երբ երկու երկրի արտգործնախարարները հոկտեմբերի 10-ին Ցյուրիխի համալսարանում ստորագրեցին «Դիվանագիտական հարաբերությունների հաստատման մասին արձանագրությունը» և «Երկկողմ հարաբերությունների զարգացման մասին արձանագրությունը»:
ՀՀ Սահմանադրական դատարանը հունվարի 12-ին հայ-թուրքական արձանագրություններում ամրագրված պարտավորությունները երկրի Մայր օրենքին համապատասխանող է ճանաչել:
Միաժամանակ Թուրքիայի արտաքին գործերի նախարարությունը երկուշաբթի հայտարարություն է տարածել, որում նշվում է, որ 2009 թվականի հոկտեմբերի 10-ին Ցյուրիխում ստորագրված հայ-թուրքական արձանագրությունների՝ Սահմանադրությանը համապատասխան ճանաչելու վերաբերյալ Հայաստանի Սահմանադրական Դատարանի որոշումը պարունակում է արձանագրությունների տառին և ոգուն չհամապատասխանող նախապայմաններ և սահմանափակող դրույթներ։
Թուրքիայի վարչապետ Թայիպ Էրդողանը հունվարի 20-ին նախազգուշացրել է, որ Անկարայի և Երևանի միջև հարաբերությունների կարգավորման գործընթացը կարող է ձախողվել, եթե ՀՀ Սահմանադրական դատարանը չվերանայի նախորդ տարվա հոկտեմբերին Շվեյցարիայիում երկու երկրների միջև ստորագրված արձանագրությունների վերաբերյալ իր որոշումը: --0--
