Գործազրկության աճը Հայաստանում կանգ կառնի 2010 թ.-ի մայիսից. Զբաղվածության պետական ծառայություն

ԵՐԵՎԱՆ, 21 հունվարի. /Նովոստի-Արմենիա/. Գործազրկության աճը Հայաստանում կանգ կառնի 2010 թ.-ի մայիսից, հինգշաբթի լրագրողներին ասաց ՀՀ աշխատանքի և սոցիալական հարցերի նախարարության «Զբաղվածության պետական ծառայություն» գործակալության պետ Սոնա Հարությունյանը:

Ընդ որում նա նշեց, որ գործակալության կանխատեսումների համաձայն՝ մինչև 2010 թ.-ի գարուն գործազրկությունը Հայաստանում կաճի ցածր տեմպերով՝ ամսական 0,1 տոկոսի սահմաններում, ինչը նույնական է անցյալ տարիների դինամիկայի հետ:

Նա նշեց, որ ծառայության կատարած վերլուծության համաձայն՝ 2010 թ.-ի մայիսից նոր աշխատատեղերի ստեղծման և սեզոնային աշխատանքների սկզբի կապակցությամբ գործազրկության մակարդակը երկրում չի աճի:  

2009 թ.-ի դեկտեմբերի 31-ի տվյալներով՝ Հայաստանում գործազրկության մակարդակը 7,1 տոկոս է կազմել կամ 99,3 հազար գործազուրկ, ինչը 0,8 տոկոսով ավելի է 2008 թ.-ի միևնույն ցուցանիշից:

Հայաստանում 2009 թ.-ին աշխատանք փնտրողների թիվը գերազանցել է 99,3 հազար մարդը, որից ավելի քան 84,4 հազարը գործազուրկի կարգավիճակ են ստացել: Մեկ տարում աշխատանքի է տեղավորվել 9394 մարդ, ինչը 9,2 տոկոսով գերազանցել է նախատեսված ցուցանիշները:

-0-