ԵՐԵՎԱՆ, 20 հունվարի. /Նովոստի-Արմենիա/. ՀՀ-ում ՌԴ դեսպանությունը չորեքշաբթի Լենինգրադի բլոկադան վերապրած և քաղաքի պաշտպանությանը մասնակցած հայաստանաբնակ վետերաններին Լենինգրադի բլոկադայի վերացման 65-ամյակին նվիրված Հուշամեդալով պարգևատրման հանդիսավոր արարողությունը։
Հանդիսավոր արարողությանը մասնակցեցին Հայրենական Մեծ Պատերազմի վետերաններ, Լենինգրադի բլոկադայի վկաներ, ինչպես նաև Հայաստանի Վետերանների խորհրդի ղեկավարությունը, Ռուսաստանյան 102-րդ բազայի հրամանատարությունը, Հայաստանում Ռուսաստանի Ռազմական կցորդի աշխատակազմի ներկայացուցիչներ և դեսպանության աշխատակիցներ։
Հայրենական Մեծ Պատերազմի վետերաններին «բլոկադան վերապրածներին» մեդալները հանձնեց Հայաստանում ՌԴ Արտակարգ և Լիազոր դեսպան Վյաչեսլավ Կովալենկոն։
«Դուք հյուրեր չեք դեսպանությունում, դուք մեր հարազատներն եք։ Ինձ համար մեծ պատիվ է ընդունել ձեզ մեր դեսպանությունում և գոնե ինչ-որ ձևով պատվել ձեր հերոսության համար»,- ընդգծեց դեսպանը։
Նա ավելացրեց, որ բլոկադայի մեջ գտնվող Լենինգրադն իր համար շատ նուրբ թեմա է, քանի որ իր ծնողները նույնպես վերապրել են քաղաքի բլոկադան, և հաճախ պատմել դրա մասին։
Հուշամեդալներ հանձնվեցին Էռնեստ Նուրիջանյանին և Մինաս Հովհաննիսյանին, ում փոխարեն մեդալը ստացավ նրա թոռը, քանի որ վետերանն առողջական վիճակից ելնելով չկարողացավ գալ դեսպանություն։
Բացի այդ, Էռնեստ Նուրիջանյանին, Նինա Ստեփանյանին և Հենրիետա Մխիթարյանին Սանկտ Պետերբուրգի կառավարության անունից հանձնվեցին հրավերներ և ավիատոմսեր՝ մասնակցելու Սանկտ-Պետերբուրգում հունվարի վերջին կայանալիք Լենինգրադ բլոկադայից ազատագրելու 66-ամյակին նվիրված տարեդարձի հանդիսավոր արարողությանը։
Բոլոր վետերաններին հանձնվեցին Հայաստանում ռուսական ռազմական կազմի ղեկավարության և Երևանում Սանկտ Պետերբուրգի Տեղեկատվական կենտրոնի կողմից պատրաստած նվերներ։
Դեսպանության աշխատակիցները հայտնեցին նաև, որ առաջիկայում բլոկադան վերապրած ևս 13 հայ վետերաններ կստանան հուշամեդալներ, և այդ հարցը ներկայում Սանկտ Պետերբուրգի իշխանությունների քննարկման փուլում է։ -0-
