Երևանում 2009 թ.-ին տեղի ունեցած ՃՏՊ-ների հետևանքով 72 մարդ է մահացել

ԵՐԵՎԱՆ, 20 հունվարի. /Նովոստի-Արմենիա/. Երևանում 2009 թ.-ին տեղի ունեցած ճանապարհատրանսպորտային պատահարների հետևանքով 72 մարդ մահացել է, 1042-ը ստացել են տարբեր աստիճանի մարմնական վնասվածքներ, հաղորդում է ՀՀ ոստիկանության պաշտոնական կայքը:

Տեղեկատվության համաձայն՝ ընդհանուր առմամբ 2009 թ. ընթացքում Երևանում արձանագրվել է 843 ՃՏՊ:

Այս ցուցանիշը փոքր-ինչ ավել է 2008 թ.-ի ցուցանիշից: Ինչպես հաղորդվում է կայքում, 2008 թ.-ին Երևանում արձանագրվել է 919 ՃՏՊ, որոնց հետևանքով 87 մարդ մահացել է, 1108-ը ստացել են տարբեր աստիճանի մարմնական վնասվածքներ։-0-