Հայկական կառավարության անդամները հաշվետու կլինեն 2009 թ.-ի իրենց գործունեության մասին

ԵՐԵՎԱՆ, 19 հունվարի. /Նովոստի-Արմենիա/. Հունվարի 20-ից ՀՀ կառավարությունում նախարարները և կառավարությանն առընթեր մարմինների ղեկավարները կներկայացնեն 2009 թ. իրենց գերատեսչությունների գործունեության հաշվետվությունները, «Նովոստի-Արմենիա» գործակալությանը հայտնեցին կառավարության մամուլի ծառայությունից:

«Վարչապետ Տիգրան Սարգսյանի հանձնարարականի համաձայն՝ հաշվետվությունները կներառեն ինչպես հաշվետու ժամանակաշրջանում կատարված աշխատանքներն ու դրանց արդյունքները, այնպես էլ թերացումները, չկատարված աշխատանքների պատճառները»,- ասվում է հաղորդագրության մեջ:

Հաղորդագրության համաձայն՝ հաշվետվությունները կհրապարակվեն նախարարությունների և կառավարությանն առընթեր մարմինների ինտերնետային կայքերում:-0-