Յանուկովիչի հաղթանակը կնվազեցնի «Նաբուկո» և «Հարավային հոսք» նախագծերի նշանակությունը. հայ պատգամավոր

ԵՐԵՎԱՆ, 18 հունվարի. /Նովոստի-Արմենիա/. «Նաբուկո» և «Հարավային հոսք» նախագծերը կարող են կորցնել իրենց նշանակությունը Ուկրաինայի նախագահական ընտրություններում Վիկտոր Յանուկովիչի հաղթանակի դեպքում, կարծում է Հայաստանի ֆինանսավարկային և բյուջետային հարցերի խորհրդարանական հանձնաժողովի նախագահ Գագիկ Մինասյանը։

««Նաբուկո»-ի անհրաժեշտության բարձակետն անցել է, դա օբյեկտիվ է և անդառնալի»,- նշեց նա, հավելելով, որ դա տեղի է ունեցել Ռուսաստանի և Թուրքիայի մերձեցման, Ռուսաստանի կողմից «Հարավային հոսքի», Միջին Արևելքի երկրների հետ գազի առքի «Գազպրոմի» պայմանագրի ստորագրման պատճառով, ինչի հետևանքով էլ «Նաբուկոն» կմնա առանց գազի անհրաժեշտ ծավալների։

«Հարավային հոսքի» վերաբերյալ Մինասյանը նշեց, որ ռուսամետ Վիկտոր Յանուկովիչի հաղթանակի դեպքում, ինչը բավական հավանական է, նա կարող է կորցնել իր նշանակությունը Ռուսաստանի համար՝ Ուկրաինան շրջանցելով դեպի Եվրոպա գազի փոխադրման որպես այլընտրանքային երթուղի։

«Նաբուկո» նախագիծը գնահատվում է 7,9 մլրդ դոլար և ենթադրում է դեպի եվրոպական երկրներ բնական գազի փոխադրում Ադրբեջանի, Վրաստանի, Թուրքիայի, Բուլղարիայի, Հունգարիայի, Ռումինիայի և Ավստրիայի տարածքով։ Այն կդառնա արդեն կառուցված Բաքու-Թբիլիսի-Էրզրում գազատարի շարունակությունը և նախատեսում է տարեկան 31 խորանարդ մետր գազի փոխադրում։ -0-