Թուրքիան միջազգային հանրության ճնշման տակ կվավերացնի հայ-թուրքական արձանագրությունները. հայ պատգամավոր

Թուրքիան միջազգային հանրության ճնշման տակ վաղ թե ուշ ստիպված կլինի վավերացնել հայ-թուրքական արձանագրությունները, կարծում է ֆինանսավարկային և բյուջետային հարցերի խորհրդարանական հանձնաժողովի նախագահ, իշխող ՀՀԿ խմբակցությամբ անդամ Գագիկ Մինասյանը:

«Միջազգային հանրության բոլոր առաջնորդները պնդում են, որ կողմերը պետք է առանց նախապայմանների վավերացնեն այդ արձանագրությունները, և Թուրքիան կանգնած է ընտրության առաջ. կամ հաշտվել այդ մտքի հետ, կամ բախվել ծանր մարտահրավերների միջազգային հանրության կողմից»,- երկուշաբթի լրագրողներին ասաց Մինասյանը:    

Ընդ որում պատգամավորը նշեց, որ իր կարծիքով Թուրքիան ամեն դեպքում ռիսկի չի դիմի և չի գնա միջազգային հանրության կամքին դեմ ու կվավերացնի արձանագրությունները:

Մեկնաբանելով պաշտոնական Անկարայի արտաքին քաղաքականությունը՝ Մինասյանը նշեց, որ այժմ Թուրքիան կանգնած է ընտրության առաջ. շարունակել նախկին քաղաքականությունը ԵՄ մտնելու աղոտ հեռանկարներով, կամ փորձել իր վրա վերցնել մահմեդական աշխարհում առաջնորդի դերը:

Հոկտեմբերի 10-ին Հայաստանի և Թուրքիայի արտգործնախարարներ Էդվարդ Նալբանդյանը և Ահմեդ Դավութօղլուն Ցյուրիխի համալսարանում ստորագրեցին «Դիվանագիտական հարաբերությունների հաստատման մասին արձանագրությունը» և «Երկկողմ հարաբերությունների զարգացման մասին արձանագրությունը»:

Հայ-թուրքական սահմանը փակ է 1993 թ.-ին պաշտոնական Անկարայի նախաձեռնությամբ: Երկու երկրների միջև բարդ հարաբերությունները պայմանավորված են մի շարք հանգամանքներով, որոնք կապված են, մասնավորապես, Անկարայի՝ ադրբեջանական դիրքորոշման պաշտպանությամբ ղարաբաղյան հարցում, ինչպես նաև Թուրքիայի սուր արձագանքի հետ 1915 թվականին Օսմանյան կայսրությունում Հայոց ցեղասպանության միջազգային ճանաչման հետ կապված։ -0-