ՃՏՊ-ների թվի աննախադեպ նվազում է արձանագրվել Հայաստանում 2009 թվականին

ԵՐԵՎԱՆ, 15 հունվարի. /Նովոստի-Արմենիա/. ՃՏՊ-ների թվի և զոհերի թվի աննախադեպ նվազում է արձանագրվել 2009 թվականին, ուրբաթ լրագրողներին ասաց ՀՀ ճանապարհային ոստիկանության պլանավորման, վերահսկողության և հաշվառման բաժնի պետ Հայկ Սարգսյանը:

«Վերջին վեց տարիների ընթացքում մենք չենք ունեցել ՃՏՊ-ների և զոհերի թվի նման աննախադեպ նվազում»,- ընդծեց Սարգսյանն՝ ավելացնելով, որ այդ ցուցանիշներին հաջողվել է հասնել վարորդների կողմից ճանապարհային երթևեկության, ինչպես նաև Ճանապարհային ոստիկանության աշխատանքի բարելավման շնորհիվ։

Այս կապակցությամբ նա նշեց, որ Ճանապարհային ոստիկանության աշխատակիցները 2009 թվականի ընթացքում ավելի քան 650 հազար տուգանք են գրել։

«Ամբողջությամբ ՃՏՊ-ները վերացնել հնարավոր չէ, բայց մենք պետք է ձեռնարկենք հնարավորը դրանց թիվը կրճատելու համար»,- նշեց Սարգսյանը։

Ըստ նրա՝ նախորդ տարվա բոլոր ՃՏՊ-ների 75 տոկոսը տեղի է ունեցել վարորդների մեղքով, իսկ մյուս 25 տոկոսը, մասնավորապես, վատ եղանակի կամ ճանապարհի, ինչպես նաև տրանսպորտային միջոցների ոչ սարքին լինելու պատճառով։ -0-