Հայաստանը պատրաստ է օգնություն ցուցաբերել Հայիթիին. ՀՀ նախագահ

Հայաստանը պատրաստ է օգնություն ցուցաբերել Հայիթիում տեղի ունեցած երկրաշարժի տուժածներին, ասվում է ՀՀ նախագահ Սերժ Սարգսյանի կողմից Հայիթի նախագահ Ռենե Գարսիա Պրևալին ուղղված ցավակցական հեռագրում:

Այս մասին «Նովոստի-Արմենիա» գործակալությանը տեղեկացրեցին ՀՀ նախագահի մամուլի ծառայությունից:

Նախօրեին ՀՀ ԱԻՆ առնթեր Փրկարար ծառայության պետ, գնդապետ Նիկոլայ Գրիգորյանը հայտնեց, որ հայ 52 փրկարարներից բաղկացած ջոկատը պատրաստ է մեկնել Հայիթի՝ փրկարարական աշխատանքներ կատարելու համար: Այս պահի դրությամբ ՀՀ արտակարգ իրավիճակների նախարարության փրկարարական ջոկատը բերված է պատրաստականության վիճակի և պատարստ է մեկնել աղետի գոտի:

Համապատասպանաբար՝ 7,0 և 5,9 մագնիտուդով երկու երկրաշարժ է տեղի է ունեցել Հայիթիի ծովափին երեքշաբթի: Ստորգետնյա ցնցումների հետևանքով խափանվել է հեռախոսային կապն ու էլեկտրաէներգիայի մատակարարումը, քանդված են շատ շենքեր, այդ թվում՝ նախագահական նստավայրն ու ՄԱԿ-ի խաղաղապահ առաքելության կենտրոնակայանի շենքը: Առայժմ զոհերի թվի մասին պաշտոնական տվյալներ չկան, բայց բժիշկների և մարդասիրական կազմակերպությունների աշխատակիցների կարծիքով՝ փլատակների տակ կարող են գտնվել հարյուրավոր զոհված և հազարավոր տուժած մարդիկ: -0