ՀՀ ԱԻՆ-ը ստեղծում է Ճգնաժամային կառավարման ժամանակակից կենտրոն. նախարար
ՀՀ արտակարգ իրավիճակների նախարարությունն աշխատանք է տանում Ճգնաժամային կառավարման ժամանակակից կենտրոն ստեղծելու ուղղությամբ, «Նովոստի-Արմենիա» գործակալությանը տեղեկացրեց ՀՀ արտակարգ իրավիճակների նախարար Մհեր Շահգելդյանը:
Նրա խոսքերով՝ այս պահին Հայաստանում արդեն գործում է Ճգնաժամային կառավարման կենտրոն, սական ինչպես կարծում է նախարարը, այն կատարելագործման, տեխնիկական վերազինման և կառուցվածքային ցանցի ընդլայնման կարիք ունի:
«Այս կապակցությամբ արդեն աշխատանք է իրականացվում շենքի տեխնիկական համալրման, կատարելագործման, մասնագետների պատրաստման ուղղությամբ, ինչը թույլ է տալիս ավելի լավ համակարգել աշխատանքներն ու բարձրացնել արտակարգ իրավիճակների նկատմամբ օպերատիվ արձագանքման մակարդակը», - ասաց Շահգալդյանը:
Ինչպես նշեց նախարարը, ծրագրվում է, որ Ճգնաժամային կառավարման կենտրոններ կգործեն Հայաստանի բոլոր մարզերում, ինչպես դա ընդունված է աշխարհի բոլոր երկրներում:-0-
