Հայաստանի նախագահը հրամանագիր է ստորագրել գրականության և արվեստի գործիչներին պետական մրցանակներ շնորհելու մասին

Հայաստանի նախագահ Սերժ Սարգսյանը հրամանագիր է ստորագրել գրականության և արվեստի բնագավառում Հայաստանի Հանրապետության 2009 թվականի պետական մրցանակներ շնորհելու մասին, տեղեկացնում է երկրի ղեկավարի մամուլի ծառայությունը։

Հաղորդագրության համաձայն` պետական մրցանակներ են շնորհվել՝ գրականության և հրապարակախոսության բնագավառում՝ Վահագն Գրիգորյանին «Ժամանակի գետը» գրքի համար, երաժշտության բնագավառում՝ Էդվարդ Երկանյանին «Քրոնիկոն» ստեղծագործության համար, կերպարվեստի բնագավառում՝ Արարատ Աղասյանին, Հրավարդ Հակոբյանին, Մուրադ Հասրաթյանին, Վիգեն Ղազարյանին «Հայկական արվեստի պատմություն» աշխատության համար։

ճարտարապետության և քաղաքաշինության ոլորտում Երևանում ՀՀ պաշտպանության նախարարության վարչական նոր համալիրի համար պետական մրցանակներ են շնորհվել ճարտարապետներ Գրիգոր Ազիզյանին (խմբի ղեկավար), Ստեփան Լազարյանին, Լևոն Խրիստաֆորյանին, Հայկ Այվազյանին, Վահանդուխտ Երեղյանին, Գրիման Հովսեփյանին  և Ալբերտ Հայրապետյանին (կոնստրուկտոր):-0-