Հայաստանում 2009 թվականին ՃՏՊ-ների հետևանքներով զոհվածների թիվը կրճատվել է 82-ով

2009 թվականին Հայաստանում ավտովթարներ զոհ դարձածների թիվը կրճատվել է 82-ով, երեքշաբթի մամուլի ասուլիսի ընթացքում հայտնեց Հայաստանի Ճանապարհային ոստիկանության պետ, գնդապետ Մարգար Օհանյանը։

Ըստ նրա, 2009 թվականին արձանագրվել է 1978 ճանապարհատրանսպորտային պատահար՝ նախորդ տարվա 2178-ի դիմաց։ 

«Չնայած վերջին յոթ տարիների ընթացքում նկատվել է ճանապարհատրանսպորտային պատահարների թվի կայուն աճ, այս տարի մենք դարձանք դրանց աննախադեպ նվազման վկաները»,- ասաց Օհանյանը։

Ճանապարհային ոստիկանության պետը նշեց նաև, որ ՃՏՊ-ների արդյունքում նախորդ տարի վնասվածքներ է ստացել 3082 մարդ, իսկ 2009-ին՝ 2724 մարդ։

«Բարձրացել է նաև խախտումների բացահայտման արդյունավետությունը։ Եթե նախորդ տարի մեր աշխատակիցները հայտնաբերել են ճանապարհային երթևեկության կանոնների 411,5 հազար խախտում, ապա այս տարի այդ թիվը կազմել է 650 հազար».- ընդգծեց Օհանյանը։

Ըստ նրա, ցուցանիշների բարելավումը ճանապարհային երթևեկության նկատմամբ վերահսկողության խստացման արդյունք է։

«Ցուցանիշների բարելավումը օրենքի պահպանման արդյունք է։ Մեր նպատակն է 2010 թվականի առաջին եռամսյակի ընթացքում պահպանել, իսկ այնուհետև՝ բարձրացնել ցուցանիշները»,- ավելացրեց Ճանապարհային ոստիկանության պետը։ -0-