Սպիտակ-Երևան ավտոմայրուղու վրա տեղի ունեցած ՃՏՊ-ի հետևանքով մեկ մարդ զոհվել է, ևս հինգը վիրավորվել, հաղորդում է ՀՀ փրկարար ծառայությունը:
«Դեկտեմբերի 27-ին՝ ժամը 20:35-ին ահազանգ է ստացվել այն մասին, որ Սպիտակ-Երևան ավտոճանապարհի 8-րդ կիլոմետրում տեղի է ունեցել ավտոպատահար, և անհրաժեշտ է փրկարարների օգնությունը», - նշվում է տեղեկատվության մեջ:
Դեպքի վայր մեկնած փրկարարները պարզել են, որ իրար են բախվել ՎԱԶ-2107 և ՎԱԶ-2103 մակնիշի ավտոմեքենաները:
Պատահարի հետևանքով ՎԱԶ-2107-ի վարորդ, Լոռու մարզի Արևաշող գյուղի բնակիչ 44-ամյա Արթուր Հակոբջանյանը տեղում զոհվել է, իսկ չորս ուղևորներն ու ՎԱԶ-2103 ավտոմեքենային վարորդը տարբեր աստիճանի մարմնական վնասվածքներով տեղափոխվել են Սպիտակի հիվանդանոց:
Ըստ բժիշկների` տուժածների վիճակը միջին ծանրության է:-0-
