Ձայնագրվածքի չթույլատրված օգտագործումը Հայաստանում վարչական իրավախախտում կլինի
ԵՐԵՎԱՆ, 25 դեկտեմբերի. /Նովոստի-Արմենիա/. Օրենսգրքում Հաստատված կարգի խախտումներով համերգների ժամանակ ձայնագրվածքների օգտագործման համար պատասխանատվություն նախատեսող վարչական իրավախախտումների մասին ուղղումների նախագիծը հայկական խորհրդարանի ուշադրության կենտրոնում է, ուրբաթ լրագրողներին հայտնեց ՀՀ մշակույթի նախարար Հասմիկ Պողոսյանը:
Ըստ նրա, ՀՀ մշակույթի նախարարության ենթակայության տակ գտնվող դահլիճներում ձայնագրվածքի օգտագործման նկատմամբ վերահսկողությանը խստացման մասին մշակույթի նախարարի հրամանագրից հետո, գերատեսչության աշխատակիցները ուշադիր հհետևում են դրա կատարմանը:
Մասնավորապես, Պողոսյանը հայտնեց, որ Մշակույթի նախարարության աշխատակիցները ձայնագրվածքով ելույթ ունենալու երկու դեպք են գրանցել: Ընդ որում արտիստները այդ քայլը հիմնավորել են վատ ինքնազգացողությամբ, սակայն բացատրական աշխատանքներից հետո հրաժարվել են ելույթից:
«Կարգադրության հանդեպ արձագանքը սկզբից բուռն էր: Կարծում եմ, որ այն էմոցիոնալ, բայց անհիմն արձագանք էր»,- ասաց նախարարը:
Ըստ նրա, Մշակույթի նախարարությունը ոչ թե արգելել է ձայնագրվածքները, այլ հանդիսատեսին դրա գործածման մասին տեղեկացնելու՝ պաշտոնական պահանջ ներմուծել:
Պողոսյանն ընդգծեց, որ այսօր այդ խնդիրն ընդհանուր առմամբ լուծված է:
2009 թ.-ի փետրվարին ՀՀ մշակույթի նախարար Հասմիկ Պողոսյանը հրամանագիր է ստորագրել, որի համաձայն խստացվում է ՀՀ մշակույթի նախարարության ենթակայության տակ գտնվող դահլիճներում ձայնագրվածքի օգտագործման նկատմամբ վերահսկողությունը։
Հրամանագրի համաձայն, պետական համերգների և միջոցառումների անցկացման նպատակով դահլիճների վարձակալության պայմանագրերում պարտադիր կարգով սահմանվում են միայն կենդանի երգեցողության (фонограмма-) ապահովման վարձակալի (օգտագործողի) պարտավորություն` բացառելով որևէ ձայնագրվածքի (фонограмма+) գործածումը։
Այլ համերգներ և միջոցառումներ կազմակերպելու նպատակով դահլիճների վարձակալության պայմանագրերում պարտադիր կարգով սահմանվում են վարձակալի պարտավորությունը` կենդանի երգեցողության (фонограмма-) կատարման կամ ձայնագրվածքների (фонограмма+) օգտագործման վերաբերյալ տեղադրել տեսանելի և ընթեռնելի տեղեկույթ համերգի կամ միջոցառման մասին հայտարարություններում, գովազդային հոլովակներում, ազդագրերում, բուկլետներում ու տպագիր այլ նյութերում։-0-
