Մոսկվա-Երևան չվերթի երկու ինքնաթիռներ չեն իջել երևանի «Զվարթնոց» օդանավակայանում վատ տեսանելիության պատճառով. ՔԱԳՎ

Մոսկվա-Երևան չվերթի «Սիբիր» և «Աէրոֆլոտ» ավիաընկերությունների երկու ինքնաթիռներ հինգշաբթի չեն կարողացել իջնել Երևանի «Զվարթնոց» օդանավակայանում՝ վատ տեսանելիության պատճառով և պարտադրված վայրէջք են կատարել Սոչիի օդանավակայանում, «Նովոստի-Արմենիա» գործակալությանը հայտնեց ՀՀ Քաղաքացիական ավիացիայի գլխավոր վարչության մամուլի քարտուղար Նելլի Չերչինյանը:  

««Զվարթնոց» օդանավակայանի տեսանելիության նորման 350 մետր է, իսկ ծրագրված վայրէջքի պահին այն կազմել է 150 մետր, իսկ տեսանելիությունը «Շիրակի» մարզում 100 մետր է եղել»,- հայտնեց Չերչինյանը:

Ըստ նրա՝ «Զվարթնոց» օդանավակայանում տեսանելիությունն արդեն վերականգնվել  է, և ինքնաթիռները Հայաստան կժամանեն օրվա ընթացքում:

«Սիբիր» ավիաընկերության ինքնաթիռի վայրէջքը Երևանում ծրագրված էր 18.00-ին, իսկ «Աէրոֆլոտինը»՝ 24.00-ին: -0-