Հայկական խորհրդարանի խոսնակը Ձմեռ Պապին կխնդրի իրեն 2010 թվականի թոռնիկ նվիրել

ԵՐԵՎԱՆ, 24  դեկտեմբերի. /Նովոստի-Արմենիա/. Հայաստանի Ազգային Ժողովի նախագահ Հովիկ Աբրահամյանը հինգշաբթի լրագրողներին ասաց, որ ցանկանում է Ձմեռ Պապին խնդրել իրեն 2010 թվականի թոռնիկ նվիրել։

«Ձմեռ Պապից ստացած նվերները պետք է անակնկալ լինեն։ Այնուամենայնիվ, քանի որ ես այս տարի ամուսնացրեցի իմ միակ որդուն, կցանկանայի խնդրել Ձմեռ Պապին 2010 թվականին ինձ թոռնիկ նվիրել, ով կծառայի հայկական բանակում և ակտիվորեն կմասնակցի հայկական պետականության կայացման գործին»,- ասաց Աբրահամյանը։

Միաժամանակ նա նշեց, որ ցանկանում է, որ 2010 թվականին Ձմեռ Պապը Հայաստանին խաղաղություն, Թուրքիայի հետ հարաբերությունների բարելավման, ղարաբաղյան հակամարտության խաղաղ կարգավորման հնարավորություն բերի, «քանի որ պատերազմը հաջողություն չի բերել որևէ երկրի կամ ժողովրդի»։

Ինչ վերաբերում է Ամանորի գիշերին, ապա խոսնակը ծրագրում է Նոր տարին դիմավորել ավանդույթի համաձայն՝ հայրական տանը, ընտանիքի հետ։ -0-