ԵՐԵՎԱՆ, 23 դեկտեմբերի. /Նովոստ-Արմենիա/. Վրաստանի ղեկավարության ծայրահեղ ազգայնական քաղաքականությունը կարող է նոր հակամարտությունների հանգեցնել, երեքշաբթի Մոսկվա-Երևան-Թբիլիսի տեսակամուրջի ընթացքում հայտարարարել է Հայաստանի ազգային նոր պահպանողական շարժման նախագահ Էդուարդ Աբրահամյանը:
«Վրաստանի ղեկավարության, Մերաբաշվիլու (ներքին գործերի նախարար) և Սահակաշվիլու արմատական, ծայրահեղ ազգայնական քաղաքականությունը միանշանակ կարող է հանգեցնել նոր հակամարտությունների հարևանների հետ», - հայտարարել է Աբրահամյանը:
Նրա խոսքերով՝ Վրաստանի հասարակությունը պետք է գիտակցի, որ իրականացվող քաղաքականությունը կործանարար է, քանի որ Սահակաշվիլին անձամբ չի կռվելու նոր պատերազմների ժամանակ, կռվելու է հասարակությունը:
«Անհրաժեշտ է այսօր դադարեցնել այդ ծայրահեղ-ազգայնական քաղաքականությունը և պահպանել Կովկասի խաղաղությունը», - ասել է շարժման առաջնորդը:
Աբրահամյանը նշել է վրացական իշխանությունների քաղաքականության անթաքույց հակահայկական ուղղվածությունը՝ մասնավորապես ընդգծելով ջավախահայերի վիճակը:
«Այսօր Ջավախքի տարածքում հայերը, լինելով Վրաստանի քաղաքացիներ, ամբողջովին զրկված են սեփական պատմությունն ու մշակույթը ուսումնասիրելու, մայրենի լեզվով լուրեր լսելու հնարավորությունից», - ասել է նա:
Աբրահամյանը նաև նշել է, որ անկախ Վրաստանի տարածքում տեղի է ունենում հայկական պատմամշակութային հուշարձանների մեթոդական ոչնչացում և «վրացականացում»:
Ջավախքը գտնվում է Հայաստանի, Վրաստանի և Թուրքիայի սահմանների հատման կետում։ Այնտեղ բնակչության գերակշիռ մասը (տարբեր տվյալներով՝ 91-ից 97%) հայեր են։ Սամցխե-Ջավախեթի միացյալ երկրամասի բնակչությունը 238 հազար է։
Սամցխե-Ջավախեթի միացյալ երկրամասի բնակչությունը 238 հազար է, որից 53 տոկոսը հայեր են։ Ընդ որում այնպիսի շրջաններում, ինչպիսիք են Ախալքալակը, հայերը բնակչության 91,3 տոկոսն են կազմում, իսկ Նինոծմինդա շրջանում՝ 89,6 տոկոս։ --0--
