Հայաստանում սփյուռքահայ ուսանողների քանակը հասել է 3500 մարդու. կրթության նախարարություն

ԵՐԵՎԱՆ, 22  դեկտեմբերի. /Նովոստի-Արմենիա/. Հայաստանում սփյուռքահայ ուսանողների քանակը 2009 թ.-ին ավելացել է 300-ով և կազմել 3500 մարդ, երեքշաբթի լրագրողներին հայտնեց Հայաստանի կրթության և գիտության նախարար Արմեն Աշոտյանը:

«Հայաստանի հետ կապեր հաստատելու միտումը կրթության միջոցով ակնհայտ է: Մյուս պատճառը համաշխարհային ֆինանսատնտեսական ճգնաժամն է, սփյուռքի ներկայացուցիչները արևմտյան թանկարժեք կրթության փոխարեն գերադասում են կրթությունը Հայաստանում»,- նշեց նախարարը:  

Նա նշեց, որ համաշխարհային ֆինանսատնտեսական ճգնաժամի պատճառով սփյուռքի ներկայացուցիչների համար կրթությունը Հայաստանում ավելի գրավիչ է, քան եվրոպական կամ ամերիկյան բուհերում: -0-