«Ժառանագություն» ընդդիմադիր կուսակցությունը հայ-թուրքական արձանագրությունների՝ Հայաստանի Սահմանադրությանը համապատասխան լինելու մասին իր եզրակացությունը կներկայացնի, երեքշաբթի լրագրողներին ասաց «Ժառանգություն» խմբակցության ղեկավար Ստեփան Սաֆարյանը: ՀՀ Սահմանադրական դատարանը հունվարի 12-ին կսկսի հայ-թուրքական արձանագրությունների քննարկումը:
«Հարցը Սահմանադրական դատարանում քննելու առնչությամբ խմբակցությունն աշխատում է այն ձևակերպումների ուղղությամբ, թե որքանով են արձանագրությունները համապատասխանում ՀՀ Սահմանադրությանը: Անկախ Սահմանադրական դատարանի որոշումից՝ կուսակցությունը կհրապարակի արձանագրությունների՝ Սահմանադրությանը համապատասխանության մասին իր դիրքորոշումը»,- ասաց Սաֆարյանը:
Միևնույն ժամանակ, նրա խոքերով, կուսակցությունը կարևորում է բնակչության շրջանում արձանագրությունների բովանդակությանը ծանոթանալու աշխատանքի անցկացումը:
«Կարծում եմ, որ հասարակությունը կարիք ունի դիրքորոշում ձևավորելու, և նրան պետք է օգնել կողմնորոշվել, քանի որ շատերը իշխանությունների ներկայացրած ոչ ստույգ տեղեկատվության պատճառով գտնվում են շփոթության մեջ: Իշխանությունները արձանագրությունները սահմանափակում են բացառապես հայ-թուրքական սահմանի բացմամբ, ինչը հեռու է իրականությունից»«- ասաց Սաֆարյանը:
Նա նշեց, որ կուսակցությունն ակտիվ աշխատանքներ է տարել և այցելել մարզեր 2009 թ.-ին ու մտադիր է շարունակել հանդիպումները հասարակության հետ՝ տանելով բացատրական աշխատանքներ՝ «մինչև արձանագրությունների վավերացման հարցով դատական որոշում ընդունվի»:
Միևնույն ժամանակ նա հայտնեց, որ կուսակցության մոտակա նիստի ընթացքում կքննարկվի կուսակցության՝ հայ-թուրքական արձանագրությունների ընդունմանը դեմ ուղղված զանգվածային ակցիաներին մասնակցելու հարցը:
«Հասարակությունը պարտավոր է արտահայտել սեփական կարծիքն ու դիրքորոշումը ինչպես Սահմանադրական դատարանում հարցի քննելու օրը, այնպես էլ հայ-թուրքական արձանագրությունների՝ խորհրդարանում վավերացնելու օրը: Կուսակցությունը շարունակում է դիրքորոշումների ակտիվ դրսևորման կողմնակից մնալ, սակայն զանգվածային ակցիաներին մասնակցելու հարցը առայժմ որոշված չէ»,- ասաց Սաֆարյանը: --0--
