Ավելի քան 15 հազար քաղաքացի է բողոքներով և առաջարկներով դիմել Հայաստանի նախագահին 2009 թվականին
21.12.2009,
14:31
Ավելի քան 15 հազար քաղաքացի է բողոքներով և առաջարկներով դիմել Հայաստանի նախագահին 2009 թվականին
ԵՐԵՎԱՆ, 21 դեկտեմբերի. /Նովոստի-Արմենիա/. Ավելի քան 15 հազար քաղաքացի է բողոքներով և առաջարկներով դիմել Հայաստանի նախագահին 2009 թվականին, երկուշաբթի լրագրողներին հայտնեց ՀՀ նախագահին առընթեր Վերահսկողական ծառայության ղեկավար Հովհաննես Հովսեփյանը։ Նրա խոսքերով՝ 2007 թվականին այդ թիվը կազմել է 4 հազար մարդ, իսկ 2008-ին՝ 13 հազար։
Ծառայության ղեկավարը հայտնեց, որ շուրջ 4,3 հազար դիմում (30 տոկոս) դրական լուծում են ստացել։
«Դա շատ լավ ցուցանիշ է՝ նկատի առնելով այն հանգամանքը, որ ոչ բոլոր հարցերն են ենթակա լուծման և ոչ բոլոր դիմումներն են համապատասխանում իրականությանը»,- ասաց նա։
Բացի այդ Հովսեփյանը հայտնեց, որ նախագահին դիմած 10 730 մարդ պարզաբանումներ և սպառիչ պատասխաններ է ստացել օրենսդրությանը համապատասխան։
Ըստ նրա՝ դիմումների ամենամեծ թիվը ստացվել է Երևանից՝ շուրջ 5300, այնուհետև՝ Շիրակի մարզից (4700 դիմում), Լոռու մարզից (1000 դիմում)։ Արտերկրից ստացվել է 200 դիմում։
Հովսեփյանը հիշեցրեց նաև, որ նախագահի հանձնարարականով նախարարությունների և կառավարությանն առընթեր մարմինների ղեկավարները ամիսը մեկ անգամ անցկացնում են քաղաքացիների ընդունելության օր։ -0-
Պատճենել հղումը
