Օպերատիվ վիճակագրական տվյալների համաձայն՝ Հայաստանի ՀՆԱ-ի ծավալը 2009թ.-ի հունվար-նոյեմբեր ամիսներին կրճատվել է 16 տոկոսով՝ կազմելով 2786,7 մլրդ դրամ ($7428,4 млн.), «Նովոստի-Արմենիա» գործակալությանը հայտնեցին ՀՀ ազգային վիճակագրական ծառայությունից։
Վիճակագրական տվյալների համաձայն՝ 2009թ. հունվար-նոյեմբեր ամիսներին, 2008 թ.-ի նույն ժամանակահատվածի համեմատ, գրանցվել է սպառողական գնաճ՝ 3,1 տոկոսով: Միաժամանակ 2008թ.-ի դեկտեմբերի համեմատ՝ նոյեմբերին գրանցվել է տվյալ ցուցանիշի աճ՝ 4,5 տոկոսով։
Հայաստանում արդյունաբերական ապրանք արտադրողների գները հաշվետու ժամանակաշրջանում աճել են 5,1 տոկոսով՝ նախորդ տարվա նույն ժամանակաշրջանի համեմատ։
Հաշվետու ժամանակաշրջանում 590,1 միլիարդ դրամի (1573 միլիոն դոլար) արդյունաբերական արտադրանք է արտադրվել, ինչը 9,9 տոկոսով պակաս է նախորդ տարվա նույն ժամանակաշրջանի ցուցանիշից:
2009թ. հունվար-նոյեմբեր ամիսների արդյունքներով՝ Հայաստանի արտաքին առևտրաշրջանառության ծավալը կազմել է 3570,8 մլն դոլար (1302,8 մլրդ դրամ)՝ 2008թ. նույն ժամանակաշրջանի համեմատ կրճատվելով 28,5 տոկոսով:
Պետբյուջեի համաձայն՝ 2009թ. ՀՆԱ աճը Հայաստանում նախատեսված է 9,2 տոկոսի չափով (1 դոլարը – 375,14 դրամ է):-0-
