Թմրամիջոցների ապօրինի շրջանառության հանցագործությունների գործերով բաժին է ստեղծվել գլխավոր դատախազության կառուցվածքում
ԵՐԵՎԱՆ, 18 դեկտեմբերի. /Նովոստի-Արմենիա/. ՀՀ գլխավոր դատախազ Աղվան Հովսեփյանի 2009թ. դեկտեմբերի 9-ի հրամանով գլխավոր դատախազության կառուցվածքում փոփոխություն է կատարվել և ստեղծվել մասնագիտացված բաժին` թմրամիջոցների ապօրինի շրջանառության հանցագործությունների գործերով:
Ինչպես ուրբաթ «Նովոստի-Արմենիա» գործակալությանը հայտնեցին գլխավոր դատախազության մամուլի ծառայությունից, բաժինն ստեղծվել է` Հայաստանում թմրամիջոցների ապօրինի շրջանառության հանցագործությունների դեմ պայքարի արդյունավետությունը բարձրացնելու, այդ հանցագործությունների գործերով ՀՀ դատախազությանն օրենսդրությամբ վերապահված լիազորությունների արդյունավետ, համակարգված եւ կենտրոնացված իրականացումն ապահովելու համար:
Գլխավոր դատախազի հրամանով թմրամիջոցների ապօրինի շրջանառության հանցագործությունների գործերով բաժնի պետ է նշանակվել Վարդան Մուրադյանը:--0--
