Համաշխարհային բանկը գոհ է ՀՀ կառավարության հակաճգնաժամային ծրագրից

ԵՐԵՎԱՆ, 17  դեկտեմբերի. /Նովոստի-Արմենիա/. Համաշխարհային բանկը կառավարության հակաճգնաժամային ծրագիրը լավն է համարում միջազգային ֆոնի վրա, հինգշաբթի լրագրողներին ասաց Համաշխարհային բանկի երևանյան գրասենյակի  ղեկավար Արիստոմենե Վարուդակիսը:

«Հայաստանում դոնոր-կազմակերպությունների իրականացրած ծրագրերը, մասնավորապես՝ Համաշխաևահին բանկի, հիմնականում ուղղված են եղել կարճաժամկետ հեռանկարում 2009 թ.-ին աշխատատեղեր ստեղծելուն, մրցունակության մակարդակը բարձրացնելուն և բնակչության կենսական պայմանների բարելավմանը»,- ասաց նա:

Վարուդակիսը նշել է, որ ՀԲ հիմնական ծրագրերը ուղղված են մրցունակության բարձրացմանը, հատկապես տրանսպորտի, հարկային և մաքսային ղեկավարման ոլորտներում: ՀԲ նաև 50 մլն դոլար է տրամադրել փոքր և միջին բիզնեսի աջակցմանը:   

Ընդ որում ՀԲ երևանյան գրասենյակի ղեկավարը նշեց, որ 500 մլն դոլար ռուսական վարկի գումարից 108 մլն դոլարը ևս ուղղված է ընկերությունների վարկավորմանը ճգնաժամի ազդեցությունը մեղմելու համար:  

«Սա ճիշտ ուղղություն ունեցող լավ քաղաքականություն է: Մյուս կողմից, միջոցների մի մասը որպես երաշխիք ուղղվել է շինարարական կազմակերպություններին, բայց հարկ է նշել, որ ապագան շինարարությունը չէ, քանի որ 2009 թ.-ին հայկական տնտեսությունը չի կարողացել «մարսել ցեմենտը»»,- ասաց Վարուդակիսը:  

Միևնույն ժամանակ նա նշեց, որ շինարարական ընկերության պետական երաշխիքները ընդամենը 10 մլն դոլար են կազմել, ընդ որում հիմնական մասը ուղղված է եղել Գյումրիում շինարարական աշխատանքների ավարտին: -0-