Դեկտեմբերի 21-ին Ծաղկաձորում կանանց և տղամարդկանց իրավունքների և հնարավորությունների հավասարության թեմայով համաժողով կանցկացվի, ասաց ՄԱԿ-ի ազգաբնակչության հիմնադրամի (UNFPA) «Հարավային Կովկասում դեմ են գենդերային բռնությանը» ծրագրի համակարգող Ջինա Սարգիսովան:
Համաժողովի հիմնական նպատակը տղամարդկանց և կանանց իրավունքների և հնարավորությունների հավասարության մասին օրինագծին աջակցելն է, որը ապագայում պետք է ներկայացվի ԱԺ քննարկմանն ու հաստատմանը»,- չորեքշաբթի նա ասաց «Գենդերային հավասարությունն ու կանանց հավասարության հարցը Հայաստանում» սեմինարի ընթացքում ունեցած զեկույցի ընթացքում:
Նա նշեց նաև, որ համաժողովը ՄԱԿ-ի ազգաբնակչության հիմնադրամի (UNFPA) «Հարավային Կովկասում դեմ են գենդերային բռնությանը» ծրագրի շրջանակներում անցկացվող միջոցառումներից մեկն է:
2008թ.-ի ապրիլին մեկնարկած եռամյա ծրագրի նպատակը Հայաստանում, Վրաստանում և Ադրբեջանում գենդերային բռնության կրճատմանը նպաստող ու այդ ոլորտում միջազգային պարտավորությունների կատարմանն աջակցող միջավայր ստեղծելն է:
«Հարավային Կովկասում դեմ են գենդերային բռնությանը» ծրագիրը այդ թեմային անդրադարձող առաջին տարածաշրջանային նախագիծն է, որը շոշափում է այս թեման և որն աշխատում է ինչպես քաղաքականության մշակման, այնպես էլ համայնքային մակարդակում քաղաքականության իրականացման, վերահսկման ու գնահատման գործում քաղաքացիական հասարակության մասնակցության ապահովման ուղղությամբ:-0-
