ԵՐԵՎԱՆ, 16 դեկտեմբերի. /Նովոստի-Արմենիա/. ՖԻՖԱ-ի նորացված դասակարգման աղյուսակում Հայաստանի ֆուտբոլի հավաքականը 321 միավորով 99-րդ տեղից իջել է 100-րդը:
ՖԻՖԱ-ի դասակարգման աղյուսակում լավագույն արդյունքը եղել է 78-րդ տեղը 2008թ.-ի ապրիլին:
Ֆուտբոլի միջազգային ֆեդերացիայի պաշտոնական կայքում հրապարակված աղյուսակի համաձայն, Հայաստանի հարևան երկրները այնտեղ դասավորված են հետևյալ կերպ. Թուրքիա՝ 41-րդ հորիզոնական (728 միավոր), Իրան՝ 64 (508 միավոր), Ադրբեջան՝ 114 (236 միավոր), Վրաստան՝ 124 (202 միավոր):
Ռուսաստանի հավաքականը 13-րդ տեղից բարձրացել է 12-րդ տեղը:
Առաջատարների եռյակում փոփոխություն չկա: Իսպանիայի հավաքականը գլխավորում է դասակարգման աղյուսակը, աշխարհի հնգակի չեմպիոն Բրազիլիայի ընտրանին երկրորդն է, առաջատարների եռյակը եզրափակում է Հոլանդիան: 1. Իսպանիա – 1627 (միավոր), 2. Բրազիլիա – 1568, 3. Հոլանդիա – 1288, 4. Իտալիա – 1209, 5. Պորտուգալիա – 1176, 6. Գերմանիա– 1173, 7. Ֆրանսիա – 1117, 8. Արգենտինա – 1085, 9. Անգլիա – 1076, 10. Խորվաթիա – 1042: -0-
