Ցմահ դատապարտված երկու անձանց փախուստի պատճառ կարող են լինել տեխնիկական բացթողումները
«Նուբարաշեն» քրեակատարողոկան հիմնարկից ցմահ դատապարտված երկու անձանց փախուստի դիմելուն պատճառներից կարող են լինել ոչ միայն մարդկային գործոնն, այլ նաև ձերբակալվածների կեցության վայրերի տեխնիկական բացթողումները, ասաց Հայաստանի արդարադատության նախարար Գևորգ Դանիելյանը «Նովոստի-Արմենիա» գործակալությանը տված հարցազրույցում։
«Մարդկային գործոնից բացի, գոյություն ունեն նաև մի շարք օբյեկտիվ գործոններ, մասնավորապես, Հայաստանի քրեակատարողական հիմնարկների տեխնիկական թերությունները, որոնք կարող էին փախուստի հանգեցնել»,- ասաց Դանիելյանը։ Նրա խոսքերով, այդ միջադեպը ազդանշան դարձավ օպերատիվ քայլեր ձեռնարկելու համար։
«Մասնավորապես, նախարարությունն առաջարկեց քրեակատարողական համակարգի բարեփոխումների հայեցակարգ, որը հարցերի լայն շրջանակ է ընդգրկում՝ սկսած դատապարտյալների կեցության նվազագույն պայմաններից մինչև բանտերի անվտանգության պայմաններ»,- ասաց նա։
Ինչպես հայտարարեց նախարարը, երկար ժամանակ այս ոլորտը մնացել է առանց ֆինանսական ներդրումների։ Ըստ նրա, ներկայում Հայաստանում գործող քրեակատարողական հիմնարկների մեծամասնությունն իրենց սպառած կառույցներ են, որոնք հարմարեցված են որպես քրեակատարողական հիմնարկներ։
«Դրանցից մի քանիսը կառուցվել են դեռևս ցարի օրոք, օրինակ, Գորիսի բանտը, որը կառուցվել է դեռևս 1830 թվականին»,- ասաց Դանիելյանը։
Խոսելով փախուստի դիմածների հայտնաբերման ուղղությամբ արվող քայլերի մասին՝ նախարարը նշեց, որ փախուստի փաստով հարուցվել է քրեական գործ, կատարվում է քննություն, ՔԿՀ որոշ աշխատակիցներ արդեն ազատվել են, պարզվում են հանցագործության հանգամանքները։
«Անկախ նրանից, եղե՞լ է «Նուրաբարշեն» ՔԿՀ աշխատակիցների աջակցությունը կամ անփութությունը, հիմքեր կան նրանց քրեական պատասխանատվության ենթարկելու համար»,- ընդգծեց Դանիելյանը։ -0-
