Երևանում տեղի կունենա Ղարաբաղյան հակամարտության մասին գրքի շնորհանդես

Երկուշաբթի Երևանում տեղի կունենա Սևիլ Հուսեյնովայի, Արսեն Հակոբյանի և Սերգեյ Ռումյանցևի «Կզլ-Շաֆագ և Քերքենջ. Ղարաբաղյան հակամարտության իրավիճակում գյուղերի փոխանակման պատմությունը» գրքի շնորհանդեսը, հինգշաբթի «Նովոստի-Արմենիա» գործակալությանը հայտնեցին Կովկասի ինստիտուտից:

Գիրքը լույս է տեսել Վիկտոր Վորոնկովի, Նինո Լեժավայի և Կովկասի ինսիտուտի տնօրեն Ալեքսանդր Իսկանդարյանի խմբագրությամբ:

Հրատարակությունը կներկայացնի հեղինակների մեկը՝ Արսեն Հակոբյանը: Որպես գրախոս հանդես կգա ազգագրագետ Հրանուշ Խառատյանը: Շնորհանդեսից հետո կկայանա քննարկում:

Շնորհանդեսին մասնակցելու են հրավիրված գիտնականներ, ուսանողներ, հասարակական գործիչներ, լրագրողներ, դիվանագետներ, ՀԿ-ներ և միջազգային կազմակերպությունների ներկայացուցիչներ: 

Գրքի շնորհանդեսը կազմակերպվում է Հենրիխ Բյոլի հիմնադրամի կողմից Կովկասի ինստիտուտի հետ համատեղ: -0-