Հայաստանի վարչապետը Սանկտ Պետերբուրգում կմասնակցի ԵվրԱզԷՍ-ի միջպետական խորհրդի նիստին

ԵՐԵՎԱՆ, 10  դեկտեմբերի. /Նովոստի-Արմենիա/. Վարչապետ Տիգրան Սարգսյանի գլխավորած կառավարական պատվիրակությունը ուրբաթ առավոտյան կմեկնի Սանկտ Պետերբուրգ` մասնակցելու Եվրասիական տնտեսական ընկերակցության (ԵվրԱզԷՍ-ի) միջպետական խորհրդի 24-րդ նիստին` կառավարությունների ղեկավարների մակարդակով:

Ինչպես «Նովոստի-Արմենիա» գործակալությանը հայտնեցին կառավարության մամուլի ծառայությունից,  կառավարական  պատվիրակության կազմում են ՀՀ կառավարության աշխատակազմի ղեկավար Դավիթ Սարգսյանը, ՀՀ արտաքին գործերի նախարարի տեղակալ Շավարշ Քոչարյանը, ՀՀ ֆինանսների նախարարի տեղակալ Վարդան Արամյանը, ՀՀ էկոնոմիկայի նախարարի տեղակալ Մուշեղ Թումասյանը, ՀՀ տրանսպորտի և կապի նախարարի տեղակալ Արտաշես Ավետիսյանը և պաշտոնատար այլ անձինք: -0-