Հայաստանն առաջընթաց է արձանագրել մարդու իրավունքների պաշտպանության և ժողովրդավարական զարգացման հարցում. ԵՄ

ԵՐԵՎԱՆ, 10 դեկտեմբերի. /Նովոստի-Արմենիա/. Հայաստանը շահագրգռված է մարդու իրավունքների պաշտպանության և ժողովրդավարական զարգացման հարցում, հինգշաբթի Երևանում ասել է Եվրահանձնաժողովի արտաքին կապերի տնօրինության մարդու իրավունքների վարչության ղեկավար Ռոլֆ Թիմոնսը:

 Ընդ որում, նա նշեց, որ  Հայաստանը դեռ շատ անելիք ունի, քանի որ գոյություն ունեն բազմաթիվ ընդունված օրենքներ, կոնվենցիաներ ու հռչակագրեր՝ մարդու իրավունքների մասին, սակայն գոյություն ունեն նաև բազմաթիվ բացթողումներ՝ դրանց կիրառման մեջ :

Այս առումով նա կարևորեց Հայաստանի մարդու իրավունքների պաշտպանի գրասենյակի գործունեությունը, որը մարդու իրավունքների պաշտպանության ոլորտում բարեփոխումներ է իրականացնում՝ ժողովրդավարության ու մարդու իրավունքների պաշտպանության հարցում:

 «Այսօր Հայաստանը զարգանում է ճիշտ ուղղությամբ, ակտիվորեն համագործակցում է ԵՄ-ի հետ եվրոպական հարևանության և արևելյան գործընկերության շրջանակներում, և պետք է առաջ շարժվի այդ ուղղությամբ՝ առավելագույն արդյունավետ ցուցանիշներ ապահովելու համար»,- ասաց Թիմոնսը:-0-