Հայաստանը նշում է մարդու իրավունքների պաշտպանության միջազգային օրը

Հայաստանը նշում է մարդու իրավունքների պաշտպանության միջազգային օրը, ինչի կապակցությամբ կազմակերպված է «Հայաստանում մարդու իրավունքների պաշտպանությունը. Նվաճումներ և մարտահրավերներ» թեմայով կլոր սեղան:

ՄԱԿ-ի գլխավոր ասամբլեան 1948թ. դեկտեմբերի 10-ին ընդունել է «Մարդու իրավունքների համընդհանուր հռչակագիրը»: Այնտեղ հռչակվում է, թե ինչ իրավունքներ ունի մարդը ծննդյան օրից՝ անկախ ռասսայից, մաշկի գույնից, սեռից, լեզվից, կրոնից, քաղաքական կամ այլ համոզմունքներից, ազգային կամ սոցիալական ծագումից, գույքային, դասային կամ այլ դրությունից: 1950թ.-ից ի վեր, դեկտեմբերի 10 նշվում է որպես մարդու իրավունքների պաշտպանության օր:

Ինչպես կլոր սեղանի ընթացքում նշեց ՀՀ վարչապետ Տիգրան Սարգսյանը, ընդունելով մարդու իրավունքների պաշտպանության համապարփակ հռչակագիրը, ՄԱԿ-ի Գլխավոր վեհաժողովը մարդու իրավունքների պաշտպանության պատմության մեջ նոր փուլ բացեց: 

«Հռչակագրում շատ հստակ ձևակերպված են հիմնական գաղափարներն այն մասին, թե ինչպես է պետք աշխարհում հասնել նրան, որ մարդու իրավունքներն ընդունվեն ու հարգվեն»,- ասաց Սարգսյանը: Վարչապետը նշեց, որ պետությունները պետք է առաջընթացային միջոցառումներ և ծրագրեր իրականացնեն, որպեսզի լուսավորման ու կրթման միջոցով մարդկությունը գիտակցի մարդու իրավունքների բուն իմաստը և դրա համար ձևավորվի համապատասխան մթնոլորտ ու հնարավորություններ:  

«Փաստորեն տվյալ արժեհամակարգը պետք է անհրաժեշտություն դառնա յուրաքանչյուրի համար, առանց որի հնարավոր չէ պատկերացնել բարեկեցիկ կյանքը»,- ասաց Սարգսյանը: Ինչպես կարծում է կառավարության ղեկավարը, ժամանակակից հասարակությունը չի կարող զարգանալ առանց հարգանքի ու մարդու իրավունքների ընդունման, և դա հատկապես ակնհայտ է այսօր, քանի որ հասարակության զարգացման շարժիչ ուժը գիտելիքն է:   

Նրա խոսքերով, գիտելիք ստացող և ժամանակակից պետության շարժիչ ուժ հանդիսացող մարդը չի կարող իր կյանքը պատկերացնել առանց մարդու հիմնական իրավունքների ու ազատությունների:

«Մեր պարտքն է ստեղծել այնպիսի մթնոլորտ, որ ՀՀ յուրաքանչյուր քաղաքացի կարողանա իրականացնել իր սահմանադրական իրավունքները, քանի որ դրանցում արտացոլված են մարդու իրավունքների հռչակագրի բոլոր 30 կետերի դրույթները»,- ասաց Սարգսյանը:

Ընդ որում վարչապետը նշեց, որ Հայաստանը ոչ միայն ընդունում է մարդու իրավունքների հետ կապված նոր օրենքներ, այլև՝ իրականացնում նոր ծրագրեր, մասնավորապես, եվրոպական հարևանության և «Արևելյան գործընկերություն» ծրագրի շրջանակներում մարդու իրավունքների պաշտպանության ոլորտում նոր համագործակցություն ու «ԵՄ և Հայաստան. մարդու իրավունքների երկխոսության ծրագիր» նոր ձևաչափ-ծրագիր է հաստատված: 

Այս ծրագիրը կարևոր միջոցառում է, որը նոր խթաններ է տալիս հայ հասարակությանը և լուսավորման ու կրթման միջոցով մենք կկարողանանք Հայաստանում տարածել մարդու իրավունքները հարգելու գաղափարներն ու գաղափարախոսությունը՝ այն բոլորի համար դարձնելով անհրաժեշտություն»,- ասաց Սարգսյանը:-0-