ՀՀ արտակարգ իրավիճակների նախարարությունը կանխարգելիչ հակահրդեհային միջոցառումներ կանցկացնի Ամանորի նախաշեմին, չորեքշաբթի խորհրդարանում կառավարական ժամի ընթացքում ասաց ՀՀ ԱԻ նախարար Մհեր Շահգելդյանը:
Նա նշեց, որ, որ վերջին շրջանում անվտանգության տեխնիկայի խափանման արդյունքում հրավառությունների պատճառով հրդեհի դեպքեր են գրանցվել ոչ միայն Ռուսաստանում, այլև ուրիշ երկրներում:
Այս առնչությամբ նախարարը կանխարգելիչ միջոցառումների անցկացման հիմնական խնդիր, առաջին հերթին, համարել է ԱԻՆ հակահրդեհային ծառայության կողմից միջոցների ձեռնարկումը:
Նրա խոսքով, նման միջոցառումների շնորհիվ միայն 2009թ.-ին, ի տարբերություն 2008-ի, 30 տոկոսով կրճատվել են հրդեհի դեպքերը և նվազել հասցված նյութական վնասի չափերը:
«Մոտենում են Ամանորյա տոները, և հրշեջ ծառայության ու այլ գերատեսչությունների աշխատակիցները հանդիպումներ ու հետազոտություններ կանցկացնեն այնպիսի հաստատություններում ու վայրերում, որտեղ իրական սպառնալիք կա: Հետազոտությունների արդյունքում համապատասխան առաջարկներ կարվեն, և մեր լիազորությունների շրջանակներում միջոցներ կձեռնարկվեն քաղաքացիների անվտանգությունն ապահովելու համար»,- ասաց Շահգելդյանը:
Ինչպես նշեց նախարարը, հատուկ ուշադրություն կհատկացվի կրթական հաստատություններին, որտեղ ենթադրվում է տոնական միջոցառումներ անցկացնել: Ծրագրվում է նման միջոցառումների ժամանակ հերթապահություն ապահովել:
«Նոր տարուց մի քանի օր առաջ հաշվետվություն կներկայացվի, ինչը թույլ կտա պատրաստվել տոներին: Մենք կենտրոնացնում ենք բոլոր ուժերն ու մտադիր ենք համագործակցել այլ գերատեսչությունների բոլոր պատասխանատու կառույցների հետ քաղաքացիների անվտանգությունն ապահովելու համար»,- ասաց Շահգելդյանը: -0-
