Երևանի քաղաքապետարանը պատշաճ կերպով պատրաստ է ձմռանը, չորեքշաբթի մամուլի ասուլիսի ժամանակ ասաց քաղաքապետարանի Կոմունալ տնտեսության վարչության պետ Գագիկ Խաչատրյանը:
«Մենք ունենք 12 սանիտարական մաքրման ձեռնարկություններ` 250 միավոր տեխնիկայով, որոնք պատրաստ են իրականացնել ձմեռային մաքրման աշխատանքները: Սանիտարական մաքրման ընկերություններից յուրաքանչյուրն աշխատում է համապատասխան 12 համայնքներում:»,- նշեց նա:
Խաչատրյանը տեղեկացրեց, որ մայրաքաղաքի փողոցների համար պատրաստ կա 700 տոննա աղ և շուրջ 1600 խմ ավազ:
«Երևանում ձնմաքրման աշխատանքների կարիք ունեցող տարածքի ընդհանուր մակերեսը ավելի քան 11 մլն քառակուսի մետր է, որի 3 միլիոնից ավելին մայթերն են, մնացածը՝ երթևեկելի փողոցները».- ասաց վարչության պետը՝ ընդգծելով, որ առաջին հերթին մաքրման են ենթարկվում երթևեկելի մասերը:
Նա նաև նշեց, որ մայրաքաղաքի առևտրի կետերի ու գրասենյակների տերերն իրենք պետք է մաքրեն մայթերը՝ ձյունը հրելով դեպի երթևեկելի մաս, որտեղից էլ ձյունը կմաքրվի սանիտարական ծառայությունների կողմից:
«Մայթերի մնացած մասը կմաքրվի ձեռնարկությունների 380 աշխատակցի կողմից, ր այդ աշխատանքների իրականացման համար կօգտագործվի 19 միավոր տեխնիկա»,- ավելացրեց Խաչատրյանը:
Վարչության պետը հատուկ ուշադրություն հրավիրեց ձմռանը Դավիթաշենի կամրջի հետ ծագած խնդիրների վրա:
«Կամուրջը մետաղական է և շատ շուտ սառչում է: Բացի այդ կամրջի վրա աղ օգտագործել հնարավոր չէ, քանի որ աղը քաղաքայում է մետաղական կոնստրուկցիաները: Մնում է միայն զգուշացնել վարորդներին, որպեսզի այդ կամրջի վրա չգերազանցեն 40 կմ/ժ արագությունը»,- ընդգծեց նա:-0-
