Հայաստանի գինու գործարաններն այս տարի 9 տոննայով պակաս խաղող են գնել, քան 2008 թվականին. գյուղնախարարություն

ԵՐԵՎԱՆ, 8 դեկտեմբերի. /Նովոստի-Արմենիա/. Հայաստանի գինու գործարաններն այս տարի գնել են 127,6 հազար տոննա խաղող, ինչը 9 տոննայով պակաս է 2008 թվականի ցուցանիշից, երեքշաբթի մամուլի ասուլիսում հայտարարեց Հայաստանի գյուղատնտեսության փոխնախարար Սամվել Գալստյանը։

Նրա խոսքերով` իրականացվել է 14 մլրդ 700 մլն դրամի գնում, որոնցից 96 տոկոսը վճարվել է մենատնտեսներին, որոնցից գնվել է խաղողը, մյուս 4 տոկոսի վճարումները կիրականացվեն մինչև 2010 թվականի մարտ ամիսը։

Գալստյանը հայտնեց, որ խաղողը գնվել է 115,4 դրամ միջին գնով մեկ կիլոգրամի համար՝ նախորդ տարվա 141 դրամի դիմաց։

Միաժամանակ նա հայտարարեց, որ այս տարի խաղողի բերքը կազմել է 205 հազար տոննա, ինչը նախորդ տարվա ցուցանիշից 20 հազար տոննայով ավելի է։ -0-