Հայաստանին հաջողվեց դիմակայել A/H1N1 վիրուսին, «Նովոստի-Արմենիա» գործակալությանը տված հարցազրույցում հայտարարեց առողջապահության հարցերի խորհրդարանական մշտական հանձնաժողովի նախագահ Արա Բաբլոյանը:
«Առողջապահության հայկական համակարգը կարողացավ արագ արձագանքել ստեղծված խնդրին՝ մինչև գործընթացը կներթափանցեր երկիր», - ասաց Բաբլոյանը:
Նրա խոսքերով՝ արդեն մի քանի ամիս է կանխարգելիչ միջոցառումներ են իրականացվում հիմնական միգրացիոն հոսքերի կետերում՝ օդանավակայաններում, ճանապարհներին և մաքսակետերում, որտեղ ստուգվում և հաշվառվում են բարձր ջերմություն ունեցող անձինք:
«Այս ամենը հնարավորություն ընձեռեց անմիջականորեն և օպերատիվ կերպով գրանցել սկզբանական փուլում գտնվող A/H1N1 վիրուսի վարակման բոլոր դեպքերը և մեկուսացնել հիվանդներին», - ասաց Բաբլոյանը:
Նա նշեց, որ մինչ օրս Հայաստանում գրանցվել է «խոզի գրիպի» ընդամենը 24 դեպք, ըդն որում բոլոր վարակվածներն արդեն առողջացել և դուրս են գրվել հիվանդանոցից:
Սակայն ինչպես նշեց պատգամավորը, ընդհանուր իրավիճակի վերահսկողությունը շարունակվում է, և չնայած այդ վիրուսային վարակի նկատմամբ հատուկ մոտեցման բացակայությանը՝ կանխարգելիչ միջոցառումները շարունակվում են:
«Մոտ ժամանակներս Առողջապահության համաշխարհային կազմակերպության աջակցությամբ ծրագրվում է գնել A/H1N1 վիրուսի մշակվող պատվաստանյութը՝ բնակչության առավել խոցելի շերտերի, մասնավորապես՝ երեխաների, քրոնիկ հիվանդների և հղիների պատվաստումը կազմակերպելու համար», - ասաց Բաբլոյանը:
Լոնդոնի լաբորատորիան պաշտոնապես հաստատել է Հայաստանում խոզի գրիպի առկայությունը: Նոյեմբերի 24-ի դրությամբ A/H1N1 վիրուս է հայտնաբերվել 25 մարդու մոտ, որոնցից 22-ը բուժվել և դուրս է գրվել հիվանդանոցից, մյուսները շարունակում են բուժում ստանալ «Նորք» ինֆեկցիոն հիվանդանոցում:-0-
