Հայաստանի նախագահը Մեդվեդևին ցավակցություն է հղել «Նևսկի էքսպրեսի» վթարի կապակցությամբ
30.11.2009,
16:12
Հայաստանի նախագահը Մեդվեդևին ցավակցություն է հղել «Նևսկի էքսպրեսի» վթարի կապակցությամբ
ԵՐԵՎԱՆ, 30 նոյեմբերի. /Նովոստի-Արմենիա/. Նախագահ Սերժ Սարգսյանը ցավակցական ուղերձ է հղել ՌԴ Նախագահ Դմիտրի Մեդվեդևին՝ «Նեվսկի Էքսպրես» ճեպընթացի վթարի կապակցությամբ:
«Խոր վշտով տեղեկացա «Նեվսկի Էքսպրես» ճեպընթաց գնացքի ողբերգական վթարի մասին, որի հետևանքով եղան բազմաթիվ մարդկային զոհեր: Կիսելով Ձեր ցավը` ողջ հայ ժողովրդի և անձամբ իմ անունից, խնդրում եմ աջակցության խոսքեր, անկեղծ ու խոր ցավակցություն փոխանցել զոհվածների մտերիմներին ու հարազատներին, ողջ ռուս ժողովրդին»,- ասվում է հայկական պետության ղեկավարի մամուլի ծառայությունից «Նովոստի-Արմենիա» գործակալությանը տրամադրված ուղերձում:
«Հարգարժան Դմիտրի Անատոլևիչ, ընդունեք մեր կարեկցությունն ու աջակցությունը»,- նշել է նախագահը: -0-
Պատճենել հղումը
