502.08
7.08
474.38
+13
Եղանակը Երևանում
Հայ

Կիրակի Երևանում կկայանա Ռոբերտ Գեդիկյանի «Հանցագործների բանակ» ֆիլմի պրեմիերան

16:56
27 Նոյեմբերի 2009

Ֆրանսիական դիմադրության լեգենդար հերոս Միսաք Մանուշյանի մասին պատմող՝ հայազգի ֆրանսիացի հանրահայտ ռեժիսոր Ռոբերտ Գեդիկյանի «Հանցագործների բանակ» ֆիլմի պրեմիերան նոյեմբերի 29-ին կկայանա Երևանի «Մոսկվա» կինոթատրոնում:  

«Իմ ֆիլմերի հիմքում միշտ հերոսական անհատականությունների, ոգով հեղափոխականների պատմություններ են ընկած, ովքեր չեն վախենում բարձրաձայն հայտարարել իրենց համար անընդունելի երևույթների դեմ ունեցած բողոքը»,- Երևանում լրագրողներին ասաց Գեդիկյանը:

Երկրորդ համաշխարհային պատերազմի ժամանակների Ֆրանսիայի պատմության ամենավառ դրվագների մասին պատմող «Հանցագործների բանակ» ֆիլմը, որը ռեժիսորի նոր աշխատանքն է, հաստատում է նրա խոսքերը:

Ֆիլմի սյուժեն հիմնված է իրական դեպքերի վրա և պատմում է այն մասին, թե ինչպես մի խումբ երիտասարդ հայրենասերներ՝ Միսաք Մանուշյանի գլխավորությամբ, ակտիվ պայքար են մղել նացիստների դեմ և բռնվել զավթիչների կողմից ու դաժան կտտանքներից հետո մահապատժի ենթարկվել: Ռեժիսորի խոսքերով, այս պատմությունը մինչ այսօր շատ տարածված է Ֆրանսիայում:

«Խմբի անդամների լուսանկարները՝ նրանց անուններով ու ազգանուններով, փակցվել են «Կարմիր պաստառի» վրա և ներկայացվել որպես «հանցագործների բանակ», ինչն էլ արդյունքում դարձել է ֆիլմի անվանումը»,- ասաց ռեժիսորը:   

Գեդիկյանի խոսքերով, ֆիլմի առավել հատկանշական ու հուզիչ պահերից մեկը Մանուշյանի նամակի դրվագն է՝ հասցեագրված կնոջն ու գրված մահապատժից ընդամենը մի ժամ առաջ: Նամակում Մանուշյանը գրում է այն մասին, որ ատելություն չի զգում գերմանացի ժողովրդի հանդեպ:

Ռեժիսորի խոսքով, այս բառերն իր համար հատուկ նշանակություն ունեն՝ հաշվի առնելով այն, որ նա մոր կողմից գերմանացի է:

Ինչպես նշեց ռեժիսորը, ֆիլմի ցուցադրությունը ոչ մի կերպ կապված չէ հայ-թուրքական հարաբերությունների գործընթացի առնչությամբ Հայաստանում տեղի ունեցող վերջին արտաքին քաղաքական փոփոխությունների հետ:

«Իմ ֆիլմը ավելի շուտ գործի անցնելու կոչ է և ոչ մի կերպ կապված չէ հայ-թուրքական հարաբերությունների հետ»,- ասաց ռեժիսորը: Միևնույն ժամանակ, ռեժիսորը հայտարարեց, որ ինքը դրական է գնահատում Թուրքիայի հետ հարաբերությունների հաստատման միտումը:
 
«Կարծում եմ, որ հայ-թուրքական սահմանի բացումը միայն կնպաստի Հայոց Ցեղասպանության միջազգային ճանաչման գործընթացին»,- նշեց Գեդիկյանը:

Ֆիլմի համաշխարհային պրեմիերան սեպտեմբերին կայացավ Կաննի միջազգային կինոփառատոնին: Միսաք Մանուշյանի դերը կատարել է հայազգի ֆրանսիացի դերասան Սիմոն Աբգարյանը:

Միսաք Մանուշյանը ծնվել է Արևմտյան Հայաստանի Ադյաման գյուղում գյուղացի-այգեգործների ընտանիքում: Ծնողները զոհվել են 1915թ.-ի Հայոց Ցեղասպանության ժամանակ:

1925 թ.-ին ուսումնառությունն ավարտելուց հետո տեղափոխվում է Ֆրանսիա, որտեղ 1932-37 թթ.-ին զբաղվում է առաջադիմական ամսագրերի խմբագրությամբ:

Այստեղ էլ 1933 թ.-ին Մանուշյանը համալրում է Ֆրանսիական կոմունիստական կուսակցության շարքերը: Փորձում է ուժերը բանաստեղծության ոլորտում:  

Գերմանացիների՝ Ֆրանսիա ներխուժելու առաջին օրերից Մանուշյանը ընկերների հետ ակտիվ մասնակցություն է ունեցել ֆրանսիական դիմադրության շարժմանը «Ազատ հրաձիգների և ֆրանսիացի պարտիզանների» շարքերում:

1943 թ.-ի մարտին նրան նշանակում են «Ստալինգրադ» ջոկատի հրամանատար, շուտով դառնում է «Ազատ հրաձիգների» և Փարիզի ու նրա արվարձանների բոլոր միջազգային ջոկատների հրամանատար:

Մանուշյանը Ֆրանսիայի ազգային հերոս է, նրան հիշում ու պատվում են որպես ֆաշիզմի դեմ պայքարի ամենաակտիվ ու անվախ մարտիկի: 1946 թ.-ին Փարիզում լույս տեսավ նրա բանաստեղծությունների ժողովածուն, որը շուտով թարգմանվեց ու հրատարակվեց Հայաստանում:

Մանուշյանը հետմահու պարգևատրվել է «Պատվո լեգեոնի» ֆրանսիական շքանշանով, ի նշան երախտագիտության ու հիացմունքի նրա անունով է կոչվել Փարիզի փողոցներից մեկը: -0-

Ծանոթացեք լուրերին առաջինն ու քննարկեք դրանք մեր Telegram-յան ալիքում

Partners News
ԱՌԿԱ գործակալություն
Բաժնի այլ նյութեր
15:50
06 Մայիսի 2022
ՌԴ ԱԳՆ–ն մեկնաբանել է Հայաստանում ստեղծված իրավիճակը
ՌԴ ԱԳՆ–ն մեկնաբանել է Հայաստանում ստեղծված իրավիճակը
15:01
05 Մայիսի 2022
Պեսկովը մեկնաբանել է Հայաստանում տիրող անկայուն իրավիճակը
Կրեմլը մեկնաբանել է Հայաստանում տիրող անկայուն իրավիճակը
13:30
04 Մայիսի 2022
Երևանն ու Վաշինգտոնը հայտարարել են ռազմավարական երկխոսության մեկնարկի մասին (ՎԻԴԵՈ)
ՀՀ ԱԳ նախարար Արարատ Միրզոյանը հանդիպում է ունեցել ԱՄՆ պետքարտուղար Էնթոնի Բլինքենի հետ՝ մեկնարկելու ՀՀ-ԱՄՆ ռազմավարական երկխոսությունը. ՎԻԴԵՈ
18:26
03 Մայիսի 2022
Հստակ տեսակետների անկեղծ փոխանակում և կարգավորում առանց նախապայմանների. տեղի է ունեցել ՀՀ-ի և Թուրքիայի հատուկ ներկայացուցիչների հանդիպումը
Վիեննայում տեղի է ունեցել ՀՀ-ի և Թուրքիայի հատուկ ներկայացուցիչների հանդիպումը
15:58
03 Մայիսի 2022
«Թուրքական կողմը կոնկրետ քայլերի հետ կապված դրական ազդակ չի տվել». ՀՀ–ն կտրականապես մերժել է Թուրքիայի հետ սահմանների վերաճշգրտման հարցը. Աղաջանյան
Աղաջանյանը հայտնել է, որ Հայաստանը կտրականապես մերժել է Թուրքիայի հետ սահմանների վերաճշգրտման հարցը
13:07
03 Մայիսի 2022
Միրզոյանն ԱՄՆ–ում հանդիպել է Բլինքենի հետ. ԱԳՆ–ն մանրամասնում է (ՎԻԴԵՈ)
Միրզոյանն ԱՄՆ–ում հանդիպել է Բլինքենի հետ. ԱԳՆ–ն մանրամասնում է. ՎԻԴԵՈ
20:53
02 Մայիսի 2022
Բրյուսելում տեղի է ունեցել ԱԽ քարտուղար Գրիգորյանի և Ադրբեջանի նախագահի օգնական Հաջիևի հանդիպումը (ՖՈՏՈ)
Բրյուսելում Արմեն Գրիգորյանը հանդիպել է Ալիևի օգնական Հիքմեթ Հաջիևի հետ. ՖՈՏՈ
16:16
02 Մայիսի 2022
Չավուշօղլուն հայտարարել է հայ-թուրքական սահմանի վերասահմանագծման պայմանավորվածության մասին, ԱԳՆ-ից մեկնաբանում են
Չավուշօղլուն հայտարարել է հայ-թուրքական սահմանի վերասահմանագծման պայմանավորվածության մասին, ԱԳՆ-ից մեկնաբանում են
16:09
02 Մայիսի 2022
«Նշաձողը հայտնվելու է թշնամու կոկորդում». քաղաքագետը՝ Բաքվի հակահայկական ծրագրերի տապալման հեռանկարի մասին
«Նշաձողը հայտնվելու է թշնամու կոկորդում». քաղաքագետը՝ Բաքվի հակահայկական ծրագրերի տապալման հեռանկարի մասին
10:50
02 Մայիսի 2022
Արարատ Միրզոյանը մեկնում է ԱՄՆ, կհանդիպի պետքարտուղար Բլինքենի հետ
Արարատ Միրզոյանը մեկնում է ԱՄՆ, կհանդիպի պետքարտուղար Բլինքենի հետ
20:28
01 Մայիսի 2022
«Իշխանը շատ փոքր ձուկ է խմբակցության հասցեին նման սպառնալիք հնչեցնելու համար». ՔՊ-ական պատգամավորը դիմել է Իշխան Սաղաթելյանին
«Իշխանը շատ փոքր ձուկ է խմբակցության հասցեին նման սպառնալիք հնչեցնելու համար». ՔՊ-ական պատգամավորը դիմել է Իշխան Սաղաթելյանին
20:52
30 Ապրիլի 2022
Սաղաթելյանը հայտնեց, թե ինչպես է ընդդիմությունը պատրաստվում տապալել իշխանությանը (ՎԻԴԵՈ)
Սաղաթելյանը նշեց, թե ինչպես է ընդդիմությունը պատրաստվում տապալել իշխանությանը. ՎԻԴԵՈ